06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԼԵՌՆԱԳՅՈՒՂԻ ՄԻԱԿ ԱՇԱԿԵՐՏՈՒՀՈՒ ՎԵՐԱԴԱՐՁԸ․ կյանքը նոր Հայաստանի հին գյուղերում․ մաս 4
Հասարակություն
18.10.2018 | 19:00
Շիրակի մարզի Լեռնագյուղ համայնքն ունի ընդամենը մեկ աշակերտ՝ 17-ամյա Գոհար Մարտիրոսյանը։ Նա սովորում է հարևան Թորոսգյուղի դպրոցում, որը գտնվում է Լեռնագյուղից 5 կմ հեռավորության վրա։ Հատկապես ձմռան ամիսներին ճանապարհները դառնում են անանցանելի, և դպրոցից հետ չմնալու համար Գոհարը ստիպված տևական ժամանակ բնակվում էր Թորոսգյուղում ապրող բարեկամների տանը։
Ձմեռը Լեռնագյուղում սկսվում է նոյեմբերի սկզբին ու տևում մինչև ապրիլի վերջ։ Լեռնագյուղը Գյումրիից հեռու է 24 կմ։ 1989-ին գյուղում 18 ընտանիք էր ապրում, այժմ մնացել է 3 ընտանիք։ Արտագաղթի հիմնական պատճառը գյուղի՝ մայրուղուց կտրված լինելն է և դպրոցի բացակայությունը։ Համայնքի նախկին ղեկավար Հմայակ Մարտիրոսյանը հիշում է, որ 94 թվականից ի վեր՝ գյուղում դպրոց չի գործում և մեկ առ մեկ նշում հարևաններին, որոնք վերջին տարիներին հեռացել են գյուղից։
2016թ-ին համայնքների խոշորացման ծրագրով Լեռնագյուղը 14 հարակից համայնքների հետ ընդգրկվել է Սարապատ համայնքի կազմում: Չնայած դժվարություններին՝ գյուղի միակ աշակերտուհին ուրախ է, որ ապրում է Լեռնագյուղում։
Ավելին, նախորդ տարիներին քույրերի հետ Գյումրիում դպրոց հաճախած Գոհարն ինքն է պնդել, որ վերադառնա գյուղ և թեկուզ դժվարություններով, բայց հայրենի գյուղում ապրի։ Գոհարը երազում է իր հարազատ Լեռնագյուղը շենացնելու մասին։
Մանրամասները՝ տեսանյութում:
