20.08.2026 | 23:01
«Նոան» նոր գլխավոր մարզիչ ունի
Դատարանը որոշել է, որ Կարապետյանի բնակարանի խուզարկությունը կատարվել է ապօրինի․ փաստաբան
Հասարակություն
30.07.2025 | 17:11
«2025 թվականի հունիսի 18-ին Սամվել Կարապետյանի բնակարանում խուզարկություն կատարելու թույլտվություն տալու մասին առաջին ատյանի դատարանի դատավոր Արտակ Կարապետյանի (ընդ որում՝ Արտակ Կարապետյանը Սամվել Կարապետյանին կալանավորած դատավորն է) կողմից կայացված որոշման դեմ ներկայացված Հատուկ վերանայման բողոքը բավարարվել է, ինչի արդյունքում ՀՀ վերաքննիչ քրեական դատարանն արձանագրել է Սամվել Կարապետյանի իրավունքի խախտման փաստը»,- այս մասին ֆեյսբուքյան իր էջում գրել է փաստաբան Լիանա Գասպարյանը։
«Հստակ փաստվում է, որ խուզարկություն կատարելու թույլտվություն ստանալու համար ի սկզբանե բացակայել են բավարար փաստական հիմքերը, ինչի արդյունքում Սամվել Կարապետյանի բնակարանում կատարված խուզարկությունը կրել է բացահայտ ապօրինի բնույթ»,- հայտնել է նա:
Հիշեցնենք, որ Սամվել Կարապետյանը երկամսյա կալանքի տակ է։ Նրան մեղադրանք է առաջադրվել իշխանությունը զավթելու հրապարակային կոչի հոդվածի հատկանիշներով։
