05.10.2026 | 21:50
Ռուբիոն ու Բայրամովը հեռախոսազրույց են ունեցել
Շան նկատմամբ դաժան վերաբերմունք ցուցաբերելու դեպքի նախաքննությունն ավարտվել է
Հասարակություն
30.07.2025 | 16:50
Ավարտվել է կենդանու նկատմամբ դաժան վերաբերմունք ցուցաբերելու դեպքի վերաբերյալ նախաձեռնված քրեական վարույթի նախաքննությունը: Այս մասին տեղեկացնում է ՀՀ քննչական կոմիտեն։
Խոսքը վերաբերում է հուլիսի 15-ին Բյուրեղավանի համայնքապետարանի կոմունալ բաժնի աշխատակից Վարդան Ղարսոյանի կողմից կենդանուն դաժան վերաբերմունք ցուցաբերելուն։ Նա իր ավտոմեքենայի բեռնախցիկից պարանով կապել էր շանը և քարշ տալով վարել մեքենան:
Ղարսոյանի նկատմամբ հարուցվել է հանրային քրեական հետապնդում՝ Քրեական օրենսգրքի 307-րդ հոդվածի 1-ին մասով (կենդանիների նկատմամբ դաժան վերաբերմունքը): Վերջինիս նկատմամբ որպես խափանման միջոց կիրառվել է բացակայելու արգելքը:
Կոմիտեից հայտնում են, որ քրեական վարույթը մեղադրական եզրակացությամբ ուղարկվել է հսկող դատախազին:
