Թբիլիսիում բողոքի ցույց է անցկացվել աշխարհի առաջնությանը ռուս սուսերամարտիկների մասնակցության դեմ

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Թբիլիսիում Նոր սպորտային պալատի մոտ բողոքի ակցիա է անցկացվել՝ «17 ռուս զինվորներ Անցուխելիձեի հայրենիքում» կարգախոսով։ Բողոքի ակցիան անցկացվել է սուսերամարտի աշխարհի առաջնությանը զուգահեռ, որին մասնակցել են ռուս զինծառայողներ։

«Այսօր վրացի ոստիկանը կանգնած է մեր և ռուս զինվորականների միջև՝ պաշտպանելով նրանց մեր փոխարեն»,- ասել է  ցուցարարներից մեկը։

Ցուցարարները եղել են «Սպորտը քաղաքականությունից վե՞ր է։ Ասա դա մահացածներին», «Ռուսները չեն կարող հաղթել Անցուխելիձեի երկրում» և այլ գրությամբ պաստառներով։

Վրաստանում Շվեյցարիայի դեսպանատանը կից ռուսական շահերի բաժինն արձագանքել է բողոքի ցույցերին՝ դրանք անվանելով «ևս մեկ ռուսատյաց հարձակում» «քաղաքականապես ներգրավված անձանց հայտնի խմբի» կողմից չեզոք կարգավիճակով մրցող ռուս մարզիկների դեմ, որի նպատակն է օգտագործել հակառուսական տրամադրությունները՝ «ռադիկալ ուժերի կողմնակիցներին մոբիլիզացնելու և Թբիլիսիի՝ որպես կազմակերպիչ կողմի հեղինակությունը խաթարելու համար»։

Հայտարարության մեջ ակնկալվում է, որ Վրաստանի «իրավասու մարմինները» կձեռնարկեն անհրաժեշտ միջոցներ՝ արդար և ոչ քաղաքականացված մրցումների անցկացման պայմաններ ապահովելու համար։

Թբիլիսիում բողոքի ակցիայի վերաբերյալ դժգոհություն է հայտնել նաև Պետդումայի Ֆիզիկական կուլտուրայի և սպորտի հանձնաժողովի փոխնախագահ Դմիտրի Սվիշչևը՝ պահանջելով, որ Սուսերամարտի միջազգային ֆեդերացիան (FIE) արձագանքի Վրաստանում տեղի ունեցածին։

«Նույնիսկ եթե մենք մասնակցում ենք չեզոք կարգավիճակով, սա հիմք չի տալիս նրանց վիրավորել մեր ազգային խորհրդանիշները։ Եթե դուք թույլ եք տվել մեր մարզիկներին մասնակցել չեզոք կարգավիճակով, բարի եղեք ապահովել նրանց անվտանգությունը։ Դրանք Վրաստանի օրենքներ են, և մենք դրանք չենք քննարկի, չնայած մրցումները հյուրընկալող երկիրը պատասխանատվություն է կրում վիզային աջակցության և պատվիրակությունների անվտանգության համար»,- հայտարարել է նա՝ նշելով, որ վրացի իրավապահ մարմինների աշխատակիցները «բավականին կոշտ դիրքորոշում» են ընդունել այս գործողությունները կանխելու համար, բայց «նրանք կարող էին ավելի խիստ լինել խախտողների հետ»։

Վրաստանն առաջին անգամ է հյուրընկալել սուսերամարտի աշխարհի առաջնությունը։ Ռուս սուսերամարտիկներին թույլատրվել է մասնակցել աշխարհի առաջնությանը խմբի կազմում։ Ռուսաստանի պատվիրակության կազմում են 24 մարզիկներ, որոնցից մի քանիսը զինվորական կոչումներ ունեն։

Ցուցարարների խոսքով՝ նրանցից 17-ը զինծառայողներ են։ Թբիլիսի ժամանած ռուս սուսերամարտիկներից մեկը ներկայացնում է Բանակի կենտրոնական մարզական ակումբը (ԲԿՄԱ), որը ենթարկվում է ՌԴ ՊՆ-ին և գտնվում է Ուկրաինայի կառավարության պատժամիջոցների տակ։

Թարգմանությունը՝ Էմմա Չոբանյանի