05.10.2026 | 21:50
Ռուբիոն ու Բայրամովը հեռախոսազրույց են ունեցել
Պողոս Պողոսյանի դին արտաշիրիմելու միջնորդություն ներկայացվեց. հարազատները դեմ են. ՏԵՍԱՆՅՈՒԹ
Հասարակություն
28.07.2025 | 17:44
Հանրային մեղադրողը միջնորդեց Պողոս Պողոսյանի գործով արտաշիրիմում կատարելու համար ստանալ Պողոս Պողոսյանի հարազատների համաձայնությունը 2001 թվականին «Առագաստ սրճարանում» Պողոս Պողոսյանի սպանության գործով հանրային մեղադրող Ծովակ Մնացականյանը կարծում է, որ անհրաժեշտ է արտաշիրիմել Պողոս Պողոսյանի դին:
Մեղադրողը միջնորդեց այս գործողությունը կատարելու համար ստանալ Պողոսյանի հարազատների համաձայնությունը: Տուժողի իրավահաջորդի ներկայացուցիչ Հարություն Բաղդասարյանը դատարանին հայտնեց, որ նման միջնորդություն ներկայացնելու մտադրության մասին հանրային մեղադրողն իրեն հայտնել էր դեռ նախորդ դատական նիստի ընթացքում, և ինքը փորձել է իմանալ հարազատների դիրքորոշումը, և իրեն հայտնել են, որ դեմ են արտաշիրիմում իրականացնելուն: Դատարանն, այնուամենայնիվ, որոշեց ևս մեկ անգամ ծանուցել հարազատներին, ստանալ նրանց դիրքորոշումը, որից հետո անդարադառնալ միջնորդությանը: Մանրամասները՝ տեսանյութում
Արաքս Մամուլյան
