19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Զանգեզուրի միջանցքի» նպատակը ՆԱՏՕ-ի համար հարթակ ապահովելն է․ թուրք պանթուրքիստներն ընդունում են դա․ Խամենեիի խորհրդական
Քաղաքականություն
28.07.2025 | 18:31
Իրանի գերագույն հոգևոր առաջնորդ Ալի Խամենեիի միջազգային հարցերով խորհրդական Ալի Աքբար Վելայաթին հայտարարել է, որ արևմտյան երկրները, օգտագործելով, այսպես կոչված, «Զանգեզուրի միջանցքի» նախագիծը և այլ նախաձեռնություններ, փորձում են խաթարել Իրանի ազգային միասնությունը, գրում է Tasnim գործակալությունը։
«Վերջին տարիներին տարածաշրջանի որոշ երկրներ փորձել են Արևելյան և Արևմտյան Ադրբեջանի ու Արդեբիլի ժողովուրդների բնիկ և իսլամական կառուցվածքն անապահով դարձնել այնպիսի պատրվակներով, ինչպիսին է Հայաստանում «տնտեսական միջանցք» ստեղծելը, սակայն այս ծրագրերի հիմնական նպատակը ՆԱՏՕ-ի ազդեցության համար հարթակ ապահովելն է Հարավային Կովկասում, Կասպից ծովում, Կենտրոնական Ասիայում և Արևելյան Թուրքեստանում։ Սցենար, որը որոշ ամերիկացի քաղաքական գործիչներ և թուրք պանթուրքիստներ նույնպես բացահայտորեն ընդունել են»,- ասել է նա։
Վելայաթին նշել է, թե այս ծրագիրը, որը Բայդենի վարչակազմի օրոք առաջարկվել էր որպես «Ուկրաինայի այլընտրանք», նպատակ ունի Իրանի հյուսիսում կառուցել ռազմական պատ, որը բաղկացած կլինի ՆԱՏՕ-ի ուժերից՝ միաժամանակ հարավից Ռուսաստանը և հյուսիսից Իրանը շրջապատելու համար։
«Իրանը բացահայտորեն դեմ է արտահայտվել այս նախագծին և հստակ ուղերձ է հղել իր թշնամիներին՝ Ադրբեջանի Հանրապետության սահմաններին ռազմական ուժեր տեղակայելով և լայնածավալ զորավարժություններ անցկացնելով։ Զորավարժություններն անցկացվել են նահատակ գեներալ Բաղերիի հիշատակին և ապացույցն են այն բանի, որ «կանխարգելումը» շատ ավելի արդյունավետ է, քան «բուժումը»»,- ասել է Վելայաթին՝հավելելելով
Հիշեցնենք՝ այսօր ճեպազրույցում Իրանի ԱԳՆ խոսնակ Էսմայիլ Բաղային հայտարարել էր, որ Իրանը դեմ է տարածաշրջանի աշխարհաքաղաքական փոփոխություններին՝ տրանսպորտային ուղիների ընդլայնման պատրվակով:
Թարգմանությունը՝ Էմմա Չոբանյանի
