07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ռուսական զորքերը հարվածել են Կիևին. բնակելի շենք է վնասվել, տուժածներ կան
Քաղաքականություն
28.07.2025 | 11:08
Ռուսական զորքերը հուլիսի լույս 28-ի գիշերը հրթիռներով և անօդաչու թռչող սարքերով հարվածել են Ուկրաինային, գրում է Current time-ը։
Կիևի Դարնիցկի շրջանում հարձակման հետևանքով վիրավորվել է ութ մարդ, հայտնել է Կիևի քաղաքային վարչակազմի ղեկավար Տիմուր Տկաչենկոն։ Վիրավորների թվում կա երեք տարեկան երեխա՝ բեկորային վնասվածքներով։ Վիրավորներից չորսը հոսպիտալացվել է։
Քաղաքապետ Վիտալի Կլիչկոյի տվյալներով՝ բոլոր վիրավորները բազմահարկ շենքի բնակիչներ են, որտեղ մուտքերից մեկում պայթյունի ալիքը վնասել է 6-11-րդ հարկերի պատուհանները։
Խերսոնում էլ հարվածի հետևանքով 32-ամյա տղամարդը ստացել է պայթյունային և փակ գանգուղեղային վնասվածք, կոնտուզիա, ձեռքի և ոտքի բեկորային վնասվածքներ։ Տուժածը հոսպիտալացվել է միջին ծանրության վիճակում, հայտնել է մարզային վարչակազմը։
Ուկրաինայի ռազմաօդային ուժերը հուլիսի 27-ին ժամը 22:15-ին հայտարարել էին օդային հարձակման տագնապ՝ Ռուսաստանի զինված ուժերի անօդաչու թռչող սարքերի կողմից հարձակման սպառնալիքի պատճառով։
Ռուսաստանի ՊՆ-ն դեռևս չի մեկնաբանել Կիևի վրա հարձակումը։
Թարգմանությունը՝ Էմմա Չոբայանի
