07.07.2026 | 11:11
59 երկրների իրավապահներ մարդկանց առևտրով զբաղվող հազարից ավելի անձի են ձերբակալել
Համագործակցության փաստաթղթեր ստորագրեցինք. Անդրեասյանը հանդիպում է ունեցել Հունաստանի կրթության նախարարի հետ
Հասարակություն
26.07.2025 | 17:52
Հունաստանի մշակույթի նախարար տիկին Մենդոնիի և կրթության, կրոնի հարցերի ու սպորտի նախարար տիկին Զախարակիի հետ շատ արդյունավետ հանդիպումներ անցկացրեցինք, համագործակցության փաստաթղթեր ստորագրեցինք։ Այս մասին ֆեյսբուքյան իր էջում գրել է ԿԳՄՍ նախարար Ժաննա Անդրեասյանը։
«Մշակույթի ոլորտում առանձին ուշադրություն կդարձնենք մշակութային արժեքների ապօրինի վաճառքի դեմ համատեղ աշխատանքներին, պեղումների և հուշարձանային ոլորտի համագործակցությանը, թանգարանային ցուցադրություններ կունենանք Հայաստանում և Հունաստանում, համատեղ կինոարտադրության, արհեստների, ոչ նյութական մշակութային ժառանգության և այլ ուղղություններով բազմաթիվ նախաձեռնություններ կան։ Միասին ներկա եղանք նաև հայաստանյան Տաղարան համույթի հրաշալի համերգին Աթենքի կոնսերվատորիայում։
Կրթության ոլորտում համատեղ կրթաթոշակների, փոխանակման ծրագրերի, Հայաստանում հունարենի ուսուցման և Հունաստանում հայերենի ուսուցման, ՄԿՈՒ ոլորտում համագործակցության և բազմաթիվ այլ կարևոր ծրագրեր ենք նախանշել։ Տիկին Զախարակիին հրավիրել եմ Հայաստան՝ մեր քննարկումը շարունակելու»,- գրել է նախարարը։
