22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Լարված հարաբերությունների ֆոնին` Ալիևը Պուտինին ցավակցել է Ամուրի մարզում տեղի ունեցած ավիաաղետի կապակցությամբ
Քաղաքականություն
24.07.2025 | 20:54
Մոսկվայի և Բաքվի միջև լարվածության ֆոնին՝ Ադրբեջանի նախագահ Իլհամ Ալիևը ցավակցություն է հայտնել ՌԴ նախագահ Վլադիմիր Պուտինին Ամուրի մարզում ուղևորատար ինքնաթիռի կործանման և բոլոր ուղևորների մահվան կապակցությամբ, հաղորդում են ադրբեջանական լրատվամիջոցները։
«Խորապես վշտացած եմ Ամուրի մարզում Ան-24 ուղևորատար ինքնաթիռի վթարի հետևանքով բազմաթիվ մարդկային զոհերի լուրից։ Այս ողբերգության կապակցությամբ, անձամբ իմ և Ադրբեջանի ժողովրդի անունից ամենաանկեղծ ցավակցություններ եմ հայտնում ձեզ, զոհվածների ընտանիքներին և մտերիմներին»,- ասվում է հեռագրում։
Հիշեցնենք, որ Ադրբեջանի և Ռուսաստանի հարաբերությունները սրվել են այն բանից հետո, երբ հունիսի 27-ին Եկատերինբուրգում ձերբակալվել էր ադրբեջանական ծագում ունեցող ավելի քան 50 անձ։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։ Բաքուն պահանջում է պատասխանատվության ենթարկել մեղավորներին։
Այսօր ավելի վաղ ՌԴ-ում Ան-24 ինքնաթիռ էր կործանվել, որի բոլոր ուղևորները զոհվել են։
Թարգմանությունը՝ Էմմա Չոբանյանի
