12.01.2026 | 21:27
Դանիան և Գրենլանդիան չորեքշաբթի ԱՄՆ-ի հետ բանակցություններ կանցկացնեն
Հրդեհ Չարենցավան քաղաքում
23.07.2025 | 22:36
Հուլիսի 23-ին՝ ժամը 14։36-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Չարենցավան քաղաքի Հոկտեմբերյան փողոցի շենքերից մեկի մոտակայքում այրվում է խոտածածկույթ։
ՆԳՆ Փրկարար ծառայությունը տեղեկացնում է, որ դեպքի վայր են մեկնել ՆԳՆ ՓԾ մարզային փրկարարական վարչության երկու օպերատիվ խումբ և հրշեջ-փրկարարական ջոկատներից չորս մարտական հաշվարկ։
Պարզվել է, որ հրդեհը բռնկվել է Երևանյան փողոցում գտնվող շինության տանիքում և մոտակա խոտածածկ տարածքում:
Հրդեհը մեկուսացվել է ժամը 16:21-ին, մարվել՝ 18:05-ին։ Այրվել են շինության (600 քմ) տանիքը՝ մասամբ (մոտ 350 քմ), հատակի ծածկը՝ մոտ 150 քմ, մոտակայքում գտնվող թիթեղյա շինության (մոտ 6 քմ) ներսի փայտե կառուցատարրերը և մոտ 2000 քմ խոտածածկույթ։
