20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
ՄՔԾ Էրեբունու բաժնում կընդունվեն ԼՂ-ից բռնի տեղահանված անձանց՝ ՀՀ քաղաքացիության շնորհման դիմումներ
Հասարակություն
23.07.2025 | 21:53
Հուլիսի 28-ից Զաքյան 3 հասցեում գործող ՆԳՆ ՄՔԾ Էրեբունու բաժնում ընդունվելու են ԼՂ-ից բռնի տեղահանված անձանց ՀՀ քաղաքացիության շնորհման դիմումներ։ Այս մասին տեղեկացնում են Միգրացիայի և քաղաքացիության ծառայությունից։
ՀՀ քաղաքացիություն ստանալու համար ԼՂ-ից բռնի տեղահանված լինելու դեպքում հնարավոր է անձամբ դիմել նաև՝
- Երևանում՝ ՄՔԾ գլխամասային գրասենյակ, Դավթաշեն, 4-րդ թաղամաս, 17/10 հասցե (Քաղաքացիության շնորհման վարչություն),
- մարզերում՝ ՄՔԾ տարածքային ստորաբաժանումներ։
ՀՀ քաղաքացիություն ստանալու համար անհրաժեշտ է ներկայացնել հետևյալ փաստաթղթերը․
- դիմում-հարցաթերթ,
- «070» ծածկագրով վավեր անձնագիրը և ժամանակավոր պաշտպանության վկայականը,
- 35 x 45 մմ չափի 6 լուսանկար (գունավոր),
- ծննդյան վկայականը և դրա պատճենը,
- ամուսնության (ամուսնալուծության) վկայականը, դրա պատճենը և ամուսնու անձնագրի պատճենը (եթե փոխել է ազգանունը ամուսնության հիմքով),
- անձնական տվյալներում փոփոխություն կատարելու վերաբերյալ փաստաթուղթ (եթե անձը կատարել է նման փոփոխություն),
- պետական տուրքի վճարումը հավաստող փաստաթուղթ։
Ծառայությունում մինչև 18 տարեկան անչափահասների ՀՀ քաղաքացիության շնորհման գործեր չեն վարվում, քանի որ գործում է անձնագրավորման կարգ։
