«Տուբերկուլյոզի դեմ պայքարի ազգային կենտրոն» ՊՈԱԿ-ին կես մլն դրամ կփոխանցվի հարկային պարտավորությունները կատարելու համար

Կառավարությունը համաձայնություն տվեց որոշման նախագծի, որով առաջարկվում է Առողջապահության նախարարությանը 2018 թվականի պետական բյուջեով նախատեսված կառավարության պահուստային ֆոնդից 2018 թվականին հատկացնել 559,657.3 հազար դրամ «Տուբերկուլյոզի դեմ պայքարի ազգային կենտրոն» ՊՈԱԿ-ին փոխանցելու նպատակով՝ վերջինիս մոտ շահութահարկի գծով առա­ջացած հարկային պարտավորությունները վճարելու նպատակով:

Պարզվել է, որ այս  կենտրոնում արձանագրվել է ՊՈԱԿ-ի կողմից շահութահարկի գծով բյուջե պետք է վճարվի լրացուցիչ 547,204,852 ՀՀ դրամ, որից հարկ՝ 255,276,110 ՀՀ դրամ, տուգանք՝ 153,165,666 ՀՀ դրամ և տույժ՝ 138,763,076 ՀՀ դրամ:

Հարկային պարտավորությունները շարունակում են մնալ չկատարված, քանի որ ՊՈԱԿ-ը չունի համապատասխան ֆինանսական միջոցներ: Ավելին, նշյալ պարտավորությունների գանձման ուղղությամբ հարկային մարմնի կողմից հարուցվել է վարչական վարույթ, որի շրջանակում հարկային մարմինը իրավասու է կիրառել ՊՈԱԿ-ի դրամական միջոցների և գույքի արգելադրում՝ ՀՀ հարկային օրենսգրքի պահանջներին համապատասխան: Բացի այդ, առաջադրված և չկատարված հարկային պարտավորությունների դիմաց ՀՀ օրեսդրությամբ սահմանված կարգով շարունակվում են հաշվարկվել տույժեր` օրական շուրջ 45,0 հազար դրամի չափով, որի արդյուքում ընդհանուր պարտքի գումարը ներկայում կազմում է 559,657.3 հազար դրամ:

ՊՈԱԿ-ի բնականոն և շարունակական գործունեությունն ապահովելու նպատակով, առաջարկվում է ՀՀ կառավարության պահուստային ֆոնդից համապատասխան գումար հատկացնելու միջոցով առաջացած խնդրին տալ հրատապ լուծում: