09.04.2026 | 23:32
Պուտինը հայտարարել է «զատկական հրադադար»
Մահացել է լեգենդար ռոք երաժիշտ Օզի Օսբորնը
Մշակույթ
22.07.2025 | 22:29
76 տարեկանում մահացել է Black Sabbath-ի վոկալիստ Օզի Օսբորնը, հայտնում է The Guardian-ը՝ վկայակոչելով նրա ընտանիքի հայտարարությունը:
«Այնպիսի տխրությամբ, որը բառերով հնարավոր չէ փոխանցել, մենք ստիպված ենք տեղեկացնել, որ մեր սիրելի Օզի Օսբորնը մահացել է այսօր առավոտյան: Նա ընտանիքի հետ էր և շրջապատված էր սիրով»,- մասնավորապես ասված է հայտարարության մեջ:
Օսբորնը կյանքից հեռացել է Բիրմինգհեմում հրաժեշտի համերգ տալուց 16 օր անց: Այդ ժամանակ նրա հետ միասին 20 տարվա ընթացքում առաջին անգամ բեմ բարձրացան Black Sabbath ռոք խմբի դասական կազմի ներկայացուցիչները կիթառահար Թոնի Այոմին, բասիստ Գիզեր Բաթլերը և հարվածային գործիքներ նվագող Բիլ Ուորդը։
2023 թվականին Օսբորնը հայտարարել էր համերգային գործունեությունը դադարեցնելու մասին՝ դեռևս 2019 թվականին ստացած ողնաշարի վնասվածքի պատճառով առողջության վատթարացման պատճառով։ 2020 թվականին Օսբորնը առաջին անգամ հրապարակավ խոսել է Պարկինսոնի հիվանդության դեմ իր պայքարի մասին։ Իր ավելի քան կեսդարյա կարիերայի ընթացքում Օսբորնը տվել է ավելի քան 2,5 հազար համերգ։
