05.10.2026 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
Բաքվի դատարանում Արցախի ղեկավարների նիստում «տուժողներն» են ցուցմունք տվել․Դավիթ Մանուկյանը հարց է ուղղել
Քաղաքականություն
22.07.2025 | 11:33
Բաքվի զինվորական դատարանում Արցախի ղեկավարների ու այլ պաշտոնյաների նկատմամբ հարուցված շինծու գործերով հերթական դատական նիստում, ադրբեջանական լրատվամիջոցների հաղորդմամբ, «տուժողներ» են ցուցմունքներ տվել։
«Տուժող» Քենան Իսաևն ասել է, թե բեկորային վնասվածք է ստացել Վարանդայի շրջանում «հայկական զինված ուժերի կողմից 2016 թվականի ապրիլյան մարտերի ժամանակ սադրանքի հետևանքով»։
Հասան Գոջաևն էլ նշել է, թե 1994 թվականի փետրվարի 12-ի լույս 13-ի գիշերը Քարվաճառի ուղղությամբ մարտերի ժամանակ գերի է վերցվել հայկական զինված ուժերի կողմից, իբր, իրեն և այլ ադրբեջանցիների տանջել են։ Նա նաև հայտարարել է, թե ոտքը ցրտահարվել է, և «հայերը երկու ոտքերն էլ անդամահատել են»։ Նա մարտի 26-ին հանձնվել է ադրբեջանական կողմին։
Արցախի ՊԲ հրամանատարի նախկին տեղակալ Դավիթ Մանուկյանի հարցին ի պատասխան՝ Գոջաևն ասել է, որ իր երկու ոտքերն էլ ներկայում պրոթեզավորված են։
Մի քանի այլ «տուժողներ» նույնպես ցուցմունքներ են տվել, պատասխանել հայ գերիների, նրանց փաստաբանների և ներկայացուցիչների հարցերին։
Դատավարությունը կշարունակվի հուլիսի 24-ին։
Թարգմանությունը՝ Էմմա Չոբանյանի
