20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԲՏԱ նախարարը Բուլղարիայի էկոնոմիկայի և արդյունաբերության նախարարին է ներկայացրել ՀՀ տեխնոլոգիական ներուժը
Քաղաքականություն
18.07.2025 | 21:02
Հուլիսի 18-ին կայացել է ՀՀ բարձր տեխնոլոգիական արդյունաբերության նախարար Մխիթար Հայրապետյանի և Բուլղարիայի էկոնոմիկայի և արդյունաբերության նախարար Պետար Դիլովի հանդիպումը։
Նախարարությունից հայտնում են, որ հանդիպման ընթացքում կողմերը քննարկել են Հայաստանի և Բուլղարիայի միջև տնտեսական, արդյունաբերական և բարձր տեխնոլոգիական ոլորտներում համագործակցության ընդլայնման հնարավորությունները։ Անդրադարձ է եղել փոխադարձ հետաքրքրություն ներկայացնող նախագծերի իրականացմանը ու ներդրումային միջավայրի զարգացմանը:
«Կողմերն անդրադարձել են նաև Հայաստանի դիմակայունության ամրապնդման ու տնտեսական դիվերսիֆիկացիայի ուղղությամբ ԵՄ գործընկերների հետ շարունակական համագործակցության հարցերին։
Նախարար Հայրապետյանն իր գործընկերոջը ներկայացրել է Հայաստանի տեխնոլոգիական ներուժը և նորարարական հնարավորությունները՝ ընդգծելով Բուլղարիայի, ինչպես նաև ԵՄ մյուս երկրների հետ միջազգային համագործակցության նոր ուղիներ ստեղծելու և համատեղ նախաձեռնություններն իրական ծրագրերի վերածելու անհրաժեշտությունը»,- ասվում է հաղորդագրությունում։
