31.07.2026 | 16:24
Կիպրոսում Մեծ Բրիտանիայի ավիաբազայում ադրբեջանցի է ձերբակալվել Իրանի օգտին լրտեսության կասկածանքով
«16-ամյա աղջկան խմեցրել է և սեռական բռնության ենթարկել մեքենայում». 8 տարի անց գործը դեռ դատարանում է․ ՏԵՍԱՆՅՈՒԹ
Հասարակություն
21.07.2025 | 19:00Լուրեր
31.07.2026 | 16:06
10 կգ մարիխուանա վերցրած ազգականները կալանավորվել են․ գործն ուղարկվել է դատախազին
31.07.2026 | 15:47
Սինգապուրի վարչապետը շնորհավորել է Փաշինյանին՝ ընտրություններում հաղթանակի առիթով
2017 թվականի նոյեմբերի 6-ը 16-ամյա աղջկա կյանքը բաժանեց երկու մասի․ այն, ինչ տեղի ունեցավ անչափահասի հետ այդ օրը, անդառնալի հետք թողեց նրա ճակատագրի վրա։ Աղջիկը պատմում է՝ սեռական բռնության ենթարկվեց 50-ն անց տղամարդու կողմից մեքենայում։
«Կյանքիս ամենավատ օրն ա եղել իրականում էդ օրը»,- ասում է նա։
Կարինեն (անունը փոխված է) իր կյանքի ամենավատ օրվա մասին դժվարությամբ է խոսում, որոշ մանրամասներ Factor TV-ին փաստաբանը պատմեց։ Ինեսա Պետրոսյանի խոսքով՝ աղջկան երևանյան ռեստորաններից մեկը տարել է իր ընկերուհին։ Այնտեղ հանդիպել են 50-ն անց տղամարդուն, նա Կարինեին գինի է խմեցրել։
Փաստաբանի խոսքով՝ տղամարդն աղջկան տուն է հասցրել լուսադեմին մոտ․ ծնողները, տեսնելով աղջկա հոգեկան ու ֆիզիկական վատ վիճակը, դիմել են ոստիկանություն։ Հարուցվել է քրեական գործ, սակայն տևական ժամանակ աղջիկը չի կարողացել խոսել իր հետ պատահածի մասին։
Կարինեի խոսքով՝ քննիչները շատ հաճախ իրեն անպարկեշտ հարցեր են տվել։
Ի վերջո, ամիսներ անց գործն ուղարկվել է դատարան․ 8 տարի է անցել, բայց որևէ անձ չի դատապարտվել։ Գործով արդեն 4-րդ դատավորն է փոխվում, ինչի հետևանքով բռնության ենթարկված աղջիկը ստիպված է լինում, անընդհատ սթրեսի միջով անցնելով, պատմել իր հետ կատարվածը։
Աղջկա մատնանշած «ինքը», թեև այս պահին ամբաստանյալի աթոռին է, սակայն ազատության մեջ է․ խափանման միջոց կալանքը մի քանի ամիս է կիրառված եղել, հետո փոխվել է։ Առաջադրված մեղադրանքը նա չի ընդունում։
Տուժող կողմն ընդգծում է՝ անգամ պատշաճ փորձաքննություն չի իրականացվել, ավելին՝ գործով կարևոր ապացույցների մի մասը չի հետազոտվել։
Դատավարության 7 տարիների ընթացքում վկայի կարգավիճակով դատարանում ցուցմունք են տվել միայն սեռական բռնության ենթարկված աղջկա ծնողները, գործով կարևորագույն վկաները, այդ թվում՝ աղջկան տղամարդու հետ հանդիպման տարած, այսպես ասած, ընկերուհին, մինչ օրս դատարան չի ներկայացել։
Եվ մինչ գործը մի դատավորից մյուսին է անցնում, Կարինեն ստիպված է անընդհատ վերապրել իր հետ պատահածը, որի հետևանքները հաղթահարելու համար ավելի քան 4 տարի աշխատել է հոգեբանի հետ։
Ստացվում է՝ դաժան դեպքից 8 տարի, իսկ դատարան մտնելուց 7 տարի անց տուժողը շարունակում է զոհականացվել, իսկ ենթադրյալ մեղավորները դեռևս ազատության մեջ են։
Մանրամասները՝ տեսանյութում։
Ռոզա Վարդանյան
