16.07.2026 | 20:50
Միացյալ Թագավորությունում ՀՀ դեսպանը հանդիպել է ՎԶԵԲ նախագահի հետ
Հայաստանի և Նիդերլանդների հարաբերություններում դրական դինամիկա կա. ՀՀ ԱԳ փոխնախարարը հանդիպել է Մարսել դե Վինկին
Քաղաքականություն
17.07.2025 | 22:41
Հուլիսի 17-ին Հաագայում Հայաստանի Հանրապետության ԱԳ նախարարի տեղակալ Ռոբերտ Աբիսողոմոնյանը հանդիպել է Նիդերլանդների Թագավորության ԱԳ նախարարության գլխավոր տնօրեն Մարսել դե Վինկի հետ: Այս մասին տեղեկացնում են ՀՀ ԱԳՆ-ից։
«Հանդիպմանն անդրադարձ է կատարվել Հայաստանի և Նիդերլանդների միջև ինչպես երկկողմ, այնպես էլ բազմակողմ ձևաչափերում համագործակցությանը վերաբերող հարցերին:
Կողմերը գոհունակությամբ նշել են Հայաստանի և Նիդերլանդների հարաբերություններում առկա դրական դինամիկան՝ կարևորելով ընթացիկ տարում հաստատված ռազմավարական գործընկերությունը:
Երկուստեք ընդգծվել է բազմակողմ հարթակներում Հայաստանի և Նիդերլանդների միջև ձևավորված արդյունավետ փոխգործակցությունը՝ պատրաստակամություն հայտնելով ընդլայնել համագործակցության շրջանակը:
ԱԳ նախարարի տեղակալ Ռոբերտ Աբիսողոմոնյանը ներկայացրել է նաև տարածաշրջանում խաղաղության և կայունության հաստատմանն ուղղված Հայաստանի օրակարգը՝ այս համատեքստում զրուցակցի ուշադրությունը հրավիրելով տրանսպորտային ենթակառուցվածքների ապաշրջափակմանն ուղղված ՀՀ կառավարության «Խաղաղության խաչմերուկ» ծրագրին»,- ասված է հաղորդագրության մեջ:
