Քաղաքականություն
16.07.2025 | 22:13
Թուրքիայի արտաքին գործերի նախարարությունը դատապարտել է Դամասկոսի վրա Իսրայելի ավիահարվածները՝ դրանք որակելով որպես Սիրիայում տարիներ տևած քաղաքացիական պատերազմից հետո խաղաղության և կայունության հասնելու ջանքերը խափանելու փորձ, գրում է Turkiye today-ը։
Հրապարակված հայտարարության մեջ Թուրքիայի արտաքին գործերի նախարարությունը նշել է, որ Դամասկոսի կենտրոնի վրա Իսրայելի հարձակումը ներկայացնում է Սիրիայի հարավում նախկինում կատարված ռազմական միջամտություններից այն կողմ լարվածության սրացում։
Անկարան հարվածները բնութագրել է որպես Սիրիայի անվտանգության և միջազգային հանրությանը ինտեգրվելու ձգտումների խաթարում։
«Սիրիայի ժողովուրդն ունի պատմական հնարավորություն ապրելու խաղաղության մեջ և ինտեգրվելու աշխարհին։Բոլոր շահագրգիռ կողմերը, ովքեր աջակցում են այս հնարավորության օգտագործմանը, պետք է նպաստեն Սիրիայի վարչակազմի ջանքերին՝ կայունություն հաստատելու ուղղությամբ»,- ասվում է հայտարարության մեջ։
Իսրայելական ռազմական ինքնաթիռները հինգշաբթի թիրախավորել են Սիրիայի Պաշտպանության նախարարության համալիրը, ըստ որոշ տեղեկությունների՝ վնասելով Սիրիայի զինված ուժերի գլխավոր շտաբի շենքը։ Սիրիայի պաշտպանության նախարարությունը հայտնել է, որ վիրավորվել է երկու քաղաքացիական անձ, իսկ համալիրին հասցվել է զգալի կառուցվածքային վնաս։
Հարվածը հաջորդել է Սուեյդա նահանգում Իսրայելի կողմից մի շարք հարձակումների հետո, այն Դամասկոսում այն ընկալվել է որպես երկիրը ապակայունացնելու ավելի լայն արշավի մաս։
Սիրիայի կառավարությունը դատապարտել է հարձակումը՝ այն համարելով ազգային ինքնիշխանության և միջազգային իրավունքի խախտում:
Սիրիացի պաշտոնյաները կոչ են արեցլ ՄԱԿ-ին և միջազգային հանրությանը դատապարտել այն, ինչ նրանք անվանեցին Իսրայելի ագրեսիա:
«Սա պարզապես հարձակում չէ Սիրիայի վրա, սա հարձակում է միջազգային իրավունքի հիմքերի և ազգերի՝ միջամտությունից զերծ գոյատևելու իրավունքների վրա»,- ասել է Սիրիայի արտաքին գործերի նախարարության բարձրաստիճան պաշտոնյան:
Թարգմանությունը՝ Էմմա Չոբանյանի
