05.07.2026 | 15:19
«Ռեալը» հայտարարեց ևս մեկ տրանսֆերի մասին
«Ելք»- ի հետ որևէ կոնցեպտուալ տարաձայնություն չկա. Արարատ Միրզոյան. ՏԵՍԱՆՅՈՒԹ
Քաղաքականություն
17.10.2018 | 14:56
ՀՀ առաջին փոխվարչապետ, վարչապետին առընթեր Ընտրական օրենսդրության բարեփոխումների հանձնաժողովի ղեկավար Արարատ Միրզոյանն այսօր խորհրդարանում հանդիպեց ԱԺ «Ելք» խմբակցության պատգամավորների հետ՝ քննարկելու Ընտրական օրենսգրքի փոփոխությունները:
Հանդիպումից հետո Արարատ Միրզոյանը լրագրողների հետ զրույցում վստահեցրեց՝ քննարկումն անցել է հիանալի մթնոլորտում և գործընկերների հետ որևէ կոնցեպտուալ տարաձայնություն չունեն։
Փոխվարչապետի փոխանցմամբ՝ յուրաքանչյուր խմբակցության հետ քննարկումները յուրովի են ընթացել։ Օրինակ՝ «Ծառուկյան» խմբակցության հետ մեկ հարցում է միայն տարաձայնություն եղել, շատ արագ փոխզիջման են հանգել և համաձայնություն եկել, ՀՅԴ-ի հետ որոշակի կոնցեպտուալ տարաձայնություններ են եղել. «Մեծավմասամբ խնդիր չկա, բայց 1-2 առանցքային հարցում ՀՅԴ պատգամավորները համաձայն չեն մեզ հետ և, ոնց որ թե, փոխզիջումային բան էլ չկա, բայց կքվեարկեն, ինչպես կորոշեն»։
