29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
Դա տեղի է ունենալու․ Փաշինյանը՝ Գարեգին Բ-ի հեռացման մասին․ ՏԵՍԱՆՅՈՒԹ
Քաղաքականություն
16.07.2025 | 13:45
«Մայր Աթոռը պետք է մեր բարոյականության էպիկենտրոնը լինի և իր կոչումով այդպիսին է, այն մեր հոգևոր և բարոյական արժեքների էպիկենտրոնն է։ Եվ, եթե մենք մի օր կանգ առնենք և այս օրակարգն առաջ չտանենք մինչև վերջ, դա կարող էր ընկալվել որպես մեր հրաժարում բարոյականությունից և դրա արժեքներից»,- հրավիրված մամուլի ասուլիսի ժամանակ՝ կրկին անդրադառնալով եկեղեցուն, ասաց վարչապետ Նիկոլ Փաշինյանը։
Խոսելով Մայր Աթոռը «Գարեգին Բ-ից ազատելու» իր օրակարգից՝ Փաշինյանը կրկին վերահաստատեց.
«Դա տեղի է ունենալու։ Հարցնում են՝ ինչպե՞ս, այնպես ինչպես եղել է առաջ, ու մի նորություն»,- այդպես էլ գործընթացի մասին չմանրամասնելով ասաց Փաշինյանը։
Եկեղեցու թեման ավարտված համարելով Փաշինյանն անցավ լրագրողի մյուս՝ գերիների մասով հարցին՝ արդյո՞ք ՀՀ-ն հրաժարվել է գերիների հարցով դիմել ԱՄՆ նախագահ Դոնալդ Թրամփի։ Վարչապետը նշեց, որ նման տեղեկություններ չունի և ծանոթ չէ այդ բովանդակությամբ հրապարակումներին, ուստի չի կարող պատասխանել.
«Չկա որևէ բանակցություն և խոսակցություն, երբ այդ հարցին չի տրվում անհրաժեշտ տեղ»։
Մանրամասները՝ տեսանյութում։
