22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ես խնդիր չեմ տեսնում հին ԸՕ-ով ընտրությունների գնալու հարցում. Էդմոն Մարուքյան. ՏԵՍԱՆՅՈՒԹ
Քաղաքականություն
17.10.2018 | 13:49
Ես խնդիր չեմ տեսնի, եթե այս Ընտրական օրենսգիրքը չընդունվի, և հին օրենսգրքով գնանք ընտրություններին: Այս մասին այսօր՝ հոկտեմբերի 17-ին ՀՀ Ազգային ժողովում լրագրողների հետ զրույցում ասաց «Ելք» խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը:
«Որովհետև հիմա այլ իրավիճակ է: Եթե որևէ մեկը փող չի բաժանում, մեծ հաշվով՝ ռեյտինգային համակարգը, որը ստեղծվել էր փող բաժանելու համար, այլևս չի գործելու: Բայց եթե կլինի համամասնական, այստեղ արդեն մարզերից ներկայացվածության խնդիր է առաջանալու, և սա պետք է կուսակցություններն իրենց ներսում լուծեն, իրենց ցուցակներն այնպես կազմեն, որ մարզերից ներկայացուցիչները լինեն անցողիկ տեղերում»,- հավելեց Մարուքյանը:
Հարցին՝ արտահերթ խորհրդարանական ընտրություններին կրկին «Լույս» դաշինքո՞վ են մասնակցելու, Էդմոն Մարուքյանը պատասխանեց, որ առայժմ հարցը չեն քննարկել, բայց տրամաբանությունը դա է հուշում:
«Ֆորմալ չենք հավաքվել ու որոշել, բայց տրամաբանությունը հուշում է, որ Երևանի ավագանու ընտրությունների ժամանակ ստեղծված բրենդը, որը, բնականաբար, շատ լուրջ ռեսուրս է, և այն սկզբունքները, որոնք դրվել են դաշինքի հիմքում, գործում են մինչ այսօր, հետևաբար, այդ նույն ձևաչափով կմասնակցենք ԱԺ ընտրություններին»,- նշեց պատգամավորը:
Մանրամասները՝ տեսանյութում
