29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
«Ապագա կա» կարգախոսը իրագործված է. Փաշինյան․ ՏԵՍԱՆՅՈՒԹ
Քաղաքականություն
16.07.2025 | 12:09
«Չնայած մարտահրավերներին, ՀՀ-ն ցույց էր տվել և շարունակում է ցույց տալ հուսալի դիմակայունություն և գտնվում է զարգացման հուսալի ուղեծրի վրա»,- հրավիրված մամուլի ասուլիսի բացման խոսքի ժամանակ ասաց վարչապետ Նիկոլ Փաշինյանը, նշելով՝ վստահ է, այսօրվա ասուլիսի հարցերի մեծ մասը վերաբերելու է հենց մարտահրավերներին։
Վարչապետի խոսքով՝ ՀՀ-ն աշխարհում միակ երկիրը չէ, որ առերեսվում է մարտահրավերներին.
«Մեր պետությունն իր գոյության ողջ ընթացքում առերեսվել է գիտակցված և չգիտակցված մարտահրավերների, այսօրվա առանձնահատկությունն այն է, որ մարտահրավերներին զուգահեռ, այդ թվում զոհերի ու զոհողությունների գնով, ՀՀ-ն իր համար ստեղծել է աննախադեպ հնարավորություններ, և կարևորագույն հնարավորությունը, որ պետության, ՀՀ-ի հարատևության տեսական թեզը գործնական իրականություն դարձնելն է։ Այս նպատակին էր ծառայում «Իրական Հայաստան»-ի գաղափարախոսությունը, որը հիմա կարող եմ վստահորեն ասել, որ լայնորեն ընդունվում է ՀՀ ժողովրդի շրջանում»։
Փաշինյանի կարծիքով՝ ՀՀ-ի հարատևության օրակարգին է ծառայում բալանսավորված արտաքին քաղաքականությունը, որի արդյունքում անշեղորեն աճում է պետության միջազգային հեղինակությունը.
««Ապագա կա՛» կարգախոսն իրագործված է»,- շեշտեց Փաշինյանը։
Մանրամասները՝ տեսանյութում։
