06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Քայլ առ քայլ կիրականացնենք Թուրքիայի՝ հարյուրամյակի մեր տեսլականը. Էրդողան
Քաղաքականություն
13.07.2025 | 19:40
Թուրքիայի նախագահ և ԱԶԿ կուսակցության նախագահ Ռեջեփ Թայիփ Էրդողանը Քըզըլջահամամում կուսակցության «Խորհրդատվության և գնահատման 32-րդ հանդիպմանը» հանդես է եկել եզրափակիչ ելույթով: Այս մասին տեղեկացնում են թուրքական ԶԼՄ-ները։
Էրդողանը ևս մեկ անգամ ընդգծել է «Թուրքիան առանց ահաբեկչության» գործընթացի առանձնահատուկ նշանակությունը:
Նրա խոսքով՝ կառավարության բազմամյա ջանքերն իրենց պտուղն են տվել, ահաբեկչական կազմակերպությունը վայր է դնում զենքը, այդ քայլը օգուտ և կայունություն կբերի ոչ միայն Թուրքիային, այլև տարածաշրջանի բոլոր երկրներին:
«Մեր ուղերձը՝ «ահաբեկչությունից ազատ Թուրքիա», որը վախ է ներշնչում մեր թշնամիներին և հանգստացնում մեր ընկերներին ու եղբայրներին, հասել է հասցեատիրոջը»,- ընդգծել է Էրդողանը:
Նա կոչ է արել բոլոր քաղաքական կուսակցություններին աջակցել երկրի խորհրդարանի կողմից ձեռնարկվող գործընթացին:
«Մեր երկրի առջև բացվում են նոր դարաշրջանի դռները։ Քայլ առ քայլ կիրականացնենք Թուրքիայի՝ հարյուրամյակի մեր տեսլականը», – ամփոփել է Ռեջեփ Էրդողանը։
