12.01.2026 | 21:27
Դանիան և Գրենլանդիան չորեքշաբթի ԱՄՆ-ի հետ բանակցություններ կանցկացնեն
Իսրայելական հարվածի հետևանքով Գազայում զոհվել են ջրի հերթում կանգնած երեխաներ
Քաղաքականություն
13.07.2025 | 18:24
Արտակարգ ծառայությունների աշխատակիցների հաղորդմամբ՝ կիրակի օրը Իսրայելի օդային հարվածի հետևանքով Գազայի կենտրոնում զոհվել է տասը մարդ, այդ թվում՝ վեց երեխա, ովքեր սպասում էին իրենց հերթին՝ ջրի տարաները լցնելու համար, հայտնում է BBC-ի ռուսական ծառայությունը։
Զոհվածների մարմինները տեղափոխվել են Նուսեյրաթի «Ալ-Ավդա» հիվանդանոց։ Նույն հիվանդանոցում բուժում են ստացել նաև 16 վիրավորներ, որոնցից յոթը՝ երեխաներ, հայտնել է հիվանդանոցի բժիշկներից մեկը։
Ականատեսները պատմել են, որ անօդաչու թռչող սարքը հրթիռ է արձակել մարդկանց վրա, ովքեր դատարկ տարաներով կանգնած էին ջրատար բաքի մոտ ալ-Նուսեյրաթ փախստականների ճամբարում։
Իսրայելի զինվորականները դեռ չեն մեկնաբանել միջադեպը։
Հարվածից հետո տարածված տեսանյութերում, որոնց իսկությունը դեռ պետք է հաստատվի, երևում են երեխաների արյունալի մարմինները։ Տեղաբնակները շտապել են դեպքի վայր և վիրավորներին տեղափոխել հիվանդանոց ավտոմեքենաներով և սայլակներով։
