29.04.2026 | 12:53
Ով է Մուստաֆաևը և ինչով է հայտնի․ Ադրբեջանի փոխվարչապետը Երևանում է․ ՏԵՍԱՆՅՈՒԹ
Օդեսայի վրա ռուսական հարձակման հետևանքով 9 տուժած կա․ թիրախում զինկոմի շենքն է եղել
Քաղաքականություն
11.07.2025 | 17:40
Ռուսական կողմը հուլիսի 11-ին օրվա ընթացքում հարձակվել է Օդեսայի վրա՝ վիրավորելով 9 մարդու։ Այս մասին հայտնել է քաղաքային վարչակազմը, գրում է Current time-ը։
Հարձակման հետևանքով վնասվել են քաղաքացիական ենթակառուցվածքները, բնակելի և վարչական շենքեր, մեքենաներ։ «ՌԲԿ-Ուկրաինան», հղում անելով աղբյուրներին, գրում է, որ ռուս զինվորականները հարձակվել են տարածքային զորակոչի և սոցիալական աջակցության կենտրոնի (զինվորական կոմիսարիատի) վրա։ Սա պաշտոնապես առայժմ չի հաստատվել։
«Ուկրաինայում լռություն չկա։ Ռուսական անդադար հարվածներ են անօդաչու թռչող սարքերով, հրթիռներով, ավիառումբերով։ Ահա թե ինչու շատ կարևոր է հնարավորինս շուտ իրականացնել այն ամենը, ինչի շուրջ օրերս համաձայնություն է ձեռք բերվել Իտալիայում գործընկերների հետ։ Ուկրաինային անհրաժեշտ է պաշտպանություն։ Առաջին հերթին՝ հակաօդային պաշտպանություն։ Անօդաչու թռչող սարքեր, որոնք որսում են ինքնաթիռներ»,- սոցցաների իր էջում գրել է Ուկրաինայի նախագահ Վլադիմիր Զելենսկին։
Թարգմանությունը՝ Էմմա Չոբանյանի
