31.07.2026 | 21:00
Ծիրանի արտահանման աշխարհագրությունն ընդլայնվել է, ծավալը՝ հնգակի կրճատվել
Սևանա լճի մակարդակը նվազել է 1 սմ-ով
11.07.2025 | 15:39
Սևանա լճի մակարդակը նախորդ տարվա հուլիսի 11-ի համեմատ նվազել է 1 սանտիմետրով։
Ինչպես տեղեկանում ենք ՀՀ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ տեղեկագրից, 2025 թվականի հուլիսի 11-ին Սևանա լիճը ծովի մակարդակից գտնվել է 1900 մետր 67 սանտիմետր բարձրության վրա՝ նախորդ տարվա նույն օրվա 1900 մետր 68 սանտիմետր նիշի դիմաց։
2025 թվականի հունիս-հուլիս ամիսների ընթացքում ոռոգման նպատակներով Սևանա լճից Հրազդանի հունով արդեն բաց է թողնվել 60 միլիոն 495 հազար խորանարդ մետր ջուր։ Իսկ այս տարվա հունվարից մինչ հուլիսի 11-ն ընկած ժամանակաահատվածում Արփա-Սևան թունելային ջրատարով Սևանա լիճ է տեղափոխվել 95 միլիոն 197 հազար խորանարդ մետր ջուր։
Սևանա լիճ թափվող գետերում նկատվել է ջրի ելքերի նվազում։
