Ուկրաինական ԱԹՍ-ները գրոհել են Մերձմոսկվայի ԱԹՍ-ների գործարանը․ ՏԵՍԱՆՅՈՒԹ

ՌԴ ՊՆ-ն հայտարարել է, որ անցած գիշերը Բրյանսկի, Բելգորոդի, Կուրսկի, Տուլայի, Օրյոլի, Լիպեցկի, Ռոստովի, Կալուգայի և Մոսկվայի մարզերի տարածքում, ինչպես նաև Ղրիմում (բռնակցված է), խոցվել էուկրաինական 155 անօդաչու թռչող սարք , գրում է Meduza-ն։

Ըստ Astra-ի՝ անօդաչու թռչող սարքերը հարձակվել են Տուլայի Պրոլետարսկի շրջանի վրա, որտեղ գտնվում է պաշտպանական արդյունաբերության երեք խոշոր գործարան՝ «Սարքավորումների նախագծման բյուրոն», НПО СПЛАВ-ը, որը արտադրում է համազարկային կրակի ռեակտիվ համակարգեր և «Щегловский вал»-ը: Astra-ն նշում է, որ երեք ձեռնարկություններն էլ մայիս և հունիս ամիսներին ենթարկվել են անօդաչու թռչող սարքերի հարձակման։

Տուլայի մարզի ղեկավար Դմիտրի Միլյաևը հայտնել է, որ անօդաչու թռչող սարքերի հարձակման հետևանքով մեկ մարդ զոհվել է, ևս մեկը՝ վիրավորվել։

Տագանրոգում խոցված  անօդաչու թռչող սարքի բեկորներն ընկել են Գ. Մ. Բերիևի անվան Տագանրոգի ավիացիոն գիտատեխնիկական համալիրի տարածքում, հայտնել է քաղաքապետ Սվետլանա Կամբուլովան։ Նրա խոսքով՝ տուժածներ չկան։

Astra-ն հաղորդում է,  որ անօդաչու թռչող սարքերի մեկ այլ թիրախ Մոսկվայի մարզի Դուբնայում գտնվող «Կրոնշտադտ» անօդաչու թռչող սարքերի մշակման ձեռնարկությունն է։ Մոսկվայի մարզի Լուխովիցի քաղաքի բնակիչները նույնպես հայտնել են անօդաչու թռչող սարքերի մասին. ենթադրյալ հարձակման վայրի մոտակայքում գտնվում են Պ.Ա. Վորոնինի անվան Լուխովիցիի ավիացիոն գործարանը և տեղական նավթամբարը։

Լիպեցկի մարզում էլ մեկ մարդ մահացել է գյուղատնտեսական ձեռնարկության վրա անօդաչու թռչող սարքի ընկնելու հետևանքով։ Այս մասին հայտնել են տեղական իշխանությունները։

Լենինգրադի մարզում անօդաչու թռչող սարքերի պատճառով թռիչքների սահմանափակումներ են մտցվել, Մոսկվայի «Ժուկովսկի» օդանավակայանը նույնպես դադարեցրել է թռիչքների սպասարկումը։

Թարգմանությունը՝ Էմմա Չոբանյանի