17.02.2026 | 14:10
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
Մակրոնն ու Սթարմերը կոչ են արել ուժեղացնել ճնշումը ՌԴ-ի նկատմամբ, նոր պատժամիջոցներ սահմանել
Քաղաքականություն
10.07.2025 | 21:42
Մեծ Բրիտանիայի վարչապետ Քիր Սթարմերը և Ֆրանսիայի նախագահ Էմանուել Մակրոնը կոչ են արել ավելի մեծ ճնշում գործադրել Մոսկվայի նկատմամբ՝ Ուկրաինայում հրադադարի ռեժիմի ապահովման համար նոր պատժամիջոցների տեսքով, գրում է Le Monde-ը։
Երկու առաջնորդները, որոնք Մեծ Բրիտանիայից համանախագահել են, այսպես կոչված, «կամավորների կոալիցիայի» հանդիպումը, հայտարարել են նաև, որ Ուկրաինայի համար հրադադարից հետո խաղաղապահ ուժերի ստեղծման ծրագրերը պատրաստ են։
«Մենք պետք է մեր աշխատանքը տեղափոխենք խաղաղության նախապատրաստման ուղղությամբ՝ Պուտինին ստիպելով նստել սեղանի շուրջ։ Այս համակարգված ճնշումը տարբերություն կստեղծի»,- ասել է Սթարմերը։
«Մենք ակնհայտորեն կարիք ունենք ինչ-որ նոր բանի… Ռուսաստանի վրա ճնշումը ուժեղացնելու համար»,- իր հերթին հավելել է Մակրովը։
Երկու առաջնորդները խոսել են Լոնդոնի հյուսիս-արևմուտքում գտնվող Նորթվուդի բրիտանական ռազմական բազայից, որը ՆԱՏՕ-ն օգտագործում է որպես հրամանատարական կենտրոն։ Հռոմից նրանց միացել են Իտալիայի վարչապետ Ջորջիա Մելոնին, Ուկրաինայի նախագահ Վլադիմիր Զելենսկին և ԱՄՆ սենատորներ Լինդսի Գրեհեմն ու Ռիչարդ Բլումենտալը, այլ եվրոպական առաջնորդներ։
Վլադիմիր Զելենսկին ասել է, որ «բոլոր գործընկերների համար ակնհայտ է՝ Ռուսաստանը խոչընդոտում է խաղաղության բոլոր ջանքերին», և կոչ արել նոր պատժամիջոցներ կիրառել Մոսկվայի նկատմամբ։
Անդրադառնալով խաղաղապահ ուժերի տեղակայմանը՝ Մակրոնն ասել է. «Մենք ունենք մի ծրագիր, որը պատրաստ է կյանքի կոչվելու հրադադարից հետո մի քանի ժամվա ընթացքում»։
Սթարմերը հաստատել է դա՝ շեշտելով. «Այս ծրագրերը հասունացել են, և մենք դրանք երկարաժամկետ հիմունքներով ենք դնում»։
Թարգմանությունը՝ Էմմա Չոբանյանի
