01.10.2026 | 22:03
Արման Եղոյանը` «եկեղեցու ճգնաժամը» քննող հանձնաժողովի նախագահ
Չես կարող լինել ընդդիմադիր ու Քոչարյանի վերադարձ պահանջել․ Բագրատ Գալստանյանը պայման է խախտել․ Սուրեն Պետրոսյան. ՏԵՍԱՆՅՈՒԹ
Քաղաքականություն
10.07.2025 | 21:30
«Ժողովրդավարական համախմբում» կուսակցության նախագահ Սուրեն Պետրոսյանը Factor TV-ին տված հարցազրույցում անդրադարձել է հայաստանյան ներքաղաքական զարգացումներին՝ խիստ քննադատելով ինչպես գործող իշխանություններին, այնպես էլ ընդդիմադիր առաջնորդներին։
Պետրոսյանի խոսքով՝ Հայաստանում ձևավորված ճգնաժամային իրավիճակի մեղավորը ներկայիս վարչապետ Նիկոլ Փաշինյանն է, սակայն շեշտում է՝ Փաշինյանի իշխանության ձևավորման մեղավորներն էլ նախագահներ Ռոբերտ Քոչարյանը և Սերժ Սարգսյանն են։
Նրա կարծիքով՝ անհնար է լինել ընդդիմադիր, բայց միաժամանակ առաջ տանել նախկին իշխանությունների վերադարձի օրակարգը։ «Չես կարող լինել ընդդիմադիր ու պահանջել Քոչարյանի վերադարձը»,- կարծիք է հայտնում Պետրոսյանը։
Սուրեն Պետրոսյանը նաև հայտարարում է, որ ինքը չի աջակցում Բագրատ արքեպիսկոպոս Գալստանյանին՝ նշելով, որ չի կարող միանշանակ գնահատական տալ վերջինիս կալանավորումը քաղաքական հետապնդում է, թե՝ ոչ։
Սուրեն Պետրոսյանը միաժամանակ նշում է, որ «Սրբազան պայքարի» շրջանակում իր դեմ գործողություններ են պլանավորվել։ «Ձայնագրություն կա, ըստ որի, շարժման ներսում քննարկվել է՝ ինչպես ինձ բռնել տալ», – ասում է նա։
Մանրամասները՝ տեսանյութում։
Նարեկ Կիրակոսյան
