08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Վաղարշապատ համայնքի ավագանու լիազորությունները վաղաժամկետ դադարեցվել են
Քաղաքականություն
10.07.2025 | 15:24
Կառավարությունն այսօրվա նիստում որոշում է ընդունել Հայաստանի Հանրապետության Արմավիրի մարզի Վաղարշապատ համայնքի ավագանու լիազորությունները վաղաժամկետ դադարեցնելու վերաբերյալ:
Հիշեցնենք, որ ս․թ․մայիսի 15-ին քաղաքապետ Դիանա Գասպարյանը հրաժարական ներկայացրեց։ Իսկ հունիսի 12-ին հրավիրված ավագանու նիստը, որի ընթացքում պետք է համայանքապետ ընտրեին, տապալվեց։ Իշխող ուժի՝ «Քաղաքացիական պայմանագիր» խմբակցության ավագանու անդամները չէին ներկայացել նիստին, ինչի հետևանքով քվորում տեղի չունեցավ։ Նիստին ներկա էին միայն ընդդիմադիր երկու խմբակցությունների ավագանու անդամներ։
Նշենք, որ Վաղարշապատի ավագանու 27 անդամից 15-ը «Քաղաքացիական պայմանագիր» կուսակցությունից են, 10-ը՝ «Էջմիածին» կուսակցությունների դաշինքից, իսկ 2-ը՝ «Հայրենատէր» կուսակցությունից:
