12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
50 միլիոն եվրո՝ «Հայաստան-դիմակայուն Սյունիք» ծրագրի համար․ ՏԵՍԱՆՅՈՒԹ
Տնտեսություն
10.07.2025 | 13:03
Կառավարության անդամներն այսօրվա նիստում հավանություն տվեցին Հայաստանի Հանրապետության և Եվրոպական ներդրումային բանկի միջև «Հայաստան-Դիմակայուն Սյունիք ծրագիր» ԿԶԵՀ+Հատուկ ներդրումային պատուհան 1» ֆինանսական պայմանագրի ստորագրման առաջարկությանը:
Համաձայն Ֆինանսական համաձայնագրի՝ ծրագրի ընդհանուր արժեքը կազմում է 50 միլիոն եվրո վարկային միջոց, իսկ ՀՀ կառավարությունը պարտավորվում է համաֆինանսավորել հարկերը, տուրքերը, ծրագրի իրականացման հետ կապված գործառնական ծախսերը և մնացած այն ծախսերը, որոնք վարկային միջոցներից թույլատրելի չէ իրականացնել։
«Ծրագրի նպատակն է թիրախային աջակցություն տրամադրել Սյունիքում բազմաոլորտային ներդրումներ կատարելու միջոցով՝ անդրադառնալով վերջին հակամարտությունների հետևանքներին: Այն կներառի Սյունիքի մարզի տարբեր համայնքներ, որոնք զգալիորեն տուժել են պատերազմից, կենտրոնանալով այն համայնքների վրա, որոնք կա՛մ հյուրընկալում են տեղահանված մարդկանց, կա՛մ իրենք են վերականգնվում հակամարտության հետևանքով կրած վնասներից: Ծրագրի շրջանակում կապահովվի արդյունավետ տեխնիկական աջակցություն և կվերահսկվի ենթածրագրերի իրականացումն ու մոնիթորինգը, որոնք նպատակաուղղված կլինեն ենթակառուցվածքների բարելավմանը, մասնավորապես ջրամատակարարման, առողջապահության և կրթության ոլորտներում՝ համայնքի դիմակայունությունը և տնտեսական վերականգնումը խթանելու համար»,- նշված է որոշման նախագծի հիմնավորման մեջ։
Փաստաթղթից տեղեկանում ենք, որ ծրագրի ավարտի ժամկետ է նախատեսվում Ֆինանսական համաձայնագրի ուժի մեջ մտնելուց հետո 5 տարի։
Մանրամասները՝ տեսանյութում։
Արփի Հակոբյան
