04.08.2026 | 15:31
Ես բարեգործություն արել եմ, երբ Փաշինյանը դեռ ծնված չէր. Սամվել Կարապետյան. ՏԵՍԱՆՅՈՒԹ
Հեռախոսս փորձեցին խլել, քաշքշուկ եղավ․ Գեղամ Մանուկյանը՝ որդու տան խուզարկության մասին․ ՏԵՍԱՆՅՈՒԹ
Հասարակություն
10.07.2025 | 12:15
«Խուզարկում էին տղայիս փաստացի բնակության վայրը, առգրավեցին իր հեռախոսը, իմ մի քանի տարի առաջվա նեթբուքը ու երեխեքիս կնունքի տեսաերիզը»,- Երևանի քննչական վարչության շենքի դիմաց լրագրողների հետ զրույցում հայտնեց ՀՅԴ Հայաստանի ԳՄ անդամ, «Հայաստան» խմբակցության պատգամավոր Գեղամ Մանուկյանը։
«Փորձեցին առգրավվել հեռախոսս, ասացի՝ Ազգային ժողովի պատգամավորի հեռախոս է, անձեռմխելիության հարց կա։ Ոչ մի բան չգտան, սկսեցին մանրամասն թղթերս նայել, 90-ականներիս գրառումները, դիպլոմային աշխատանքս, շատ անակնկալ առանձին հրավիրեցին բալկոն ու հեռախոսս փորձեցին խլել, քաշքշուկ եղավ, բայց շատ էին, կարողացան տանել»,- ասաց պատգամավորը։
Մանուկյանի խոսքով՝ քննչականի դռները փակ է, փաստաբաններին չէին թողնում ներս մտնել։ Նշում է՝ առնվազն հինգ երիտասարդի բերման են ենթարկել։
«Սա հերթական օրինակն է, այս իշխանությունը այնքան վախերի մեջ է, և ռեպրեսիաները, որ շարունակվում են, իրենց վախերի արդյունքն է։ Կարևոր են նաև խորհրդանշական օրերը, թե որ օրը ինչ է անում։ Մայր Աթոռ ներխուժելու օրը, Էրդողանի հետ հանդիպման օրը կհիշեք ձերբակալություն եղավ, այսօր Ալիևի հետ է հանդիպում և պետք է հիշենք, որ ադրբեջանցիները և թուրքերը պարբերաբար խոսում են Հայաստանում ռեվանշիզմն արմատախիլ անելու, թույլ չտալու և բնականաբար, երբ խոսում են, առաջինը աչքների առաջ գալիս է Դաշնակցությունը։ Վերջին օրերին ԱԺ քննարկումներում շատ ուղղորդված Դաշնակցությունը, դաշնակացականները թիրախավորման տակ էին, ինչպես նաև՝ Հայ Առաքելական եկեղեցին, հիմա ոնց որ մի երկու օր հետ ընկավ, բայց նույն վայրենի հարձակումը Մայր Աթոռի դեմ շարունակվելու է»,- ասաց Գեղամ Մանուկյանը։
Մանրամասները՝ տեսանյութում։
Անի Թամրազյան
