13.05.2026 | 23:03
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Գորիսի 57.7 հա հողամասը կնվիրաբերվի «Հայաստանի մանուկներ» բարեգործական հիմնադրամին` սմարթ կենտրոն կառուցելու նպատակով․ ՏԵՍԱՆՅՈՒԹ
Տնտեսություն
10.07.2025 | 12:06
Գործադիրն այսօրվա նիստում հավանություն տվեց Սյունիքի մարզի Գորիս համայնքի վարչական սահմաններում գտնվող, համայնքային սեփականություն հանդիսացող հողամասերը և շինությունները «Հայաստանի մանուկներ» բարեգործական հիմնադրամին նվիրաբերելու որոշմանը։
Նախատեսվում է Գորիսում ստեղծել «ՔՈԱՖ ՍՄԱՐԹ» ուսումնակրթական, «ՔՈԱՖՍՄԱՐԹՖԱՐՄ» գյուղատնտեսական համալիրներ:
«Գորիս համայնքի տեղական ինքնակառավարման մարմինները նախատեսում են ծրագրի իրականացման նպատակով առանձնացված, համայնքային սեփականություն հանդիսացող, ընդհանուր 57.76518 հեկտար (7 միավոր) մակերեսով հողամասերը և շինությունները, այդ թվում՝ քաղաք Գորիս, Այգեստան թաղամաս, 52 հասցեում գտնվող անբարեկարգ մարզադաշտը ապամոնտաժման ենթակա մետաղական, կիսաքանդ 381.8քմ շինություններով, անհատույց սեփականության իրավունքով, նվիրաբերել «Հայաստանի մանուկներ» բարեգործական հիմնադրամին: Կարևորելով սահմանամերձ բնակավայրերի համաչափ զարգացումն ապահովելու, Սյունիքի մարզում բնակիչների կյանքի որակը համայնքային զարգացման երեխայակենտրոն ծրագրերի միջոցով իրականացնելու անհրաժեշտությունը՝ «Հայաստանի մանուկներ» բարեգործական հիմնադրամը, համագործակցելով Գորիս համայնքի տեղական ինքնակառավարման մարմինների հետ, նախատեսում է Գորիս քաղաքում իրականացնել «Գորիսի համայնքային զարգացում» ծրագիրը՝ մասնավորապես Գորիսում ստեղծել «ՔՈԱՖ ՍՄԱՐԹ» ուսումնակրթական, «ՔՈԱՖՍՄԱՐԹՖԱՐՄ» գյուղատնտեսական համալիրներ»,- նշված է որոշման նախագծի հիմնավորման մեջ։
Նախագիծը մշակվել է Գորիս համայնքի տեղական ինքնակառավարման մարմինների միջնորդության արդյունքում և Սյունիքի մարզպետի աշխատակազմի կողմից: Նախագծի ընդունումը պետական բյուջեում ծախսերի և եկամուտների ավելացում կամ նվազեցում չի առաջացնում:
Մանրամասները՝ տեսանյութում։
Արփի Հակոբյան
