08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Նույն Շանթ Հարությունյանն է ասել՝ նման բան չի եղել. Հունան Պողոսյանը՝ սպառնալիքներ հնչեցնելու մասին. ՏԵՍԱՆՅՈՒԹ
Հասարակություն
16.10.2018 | 13:55
ՀՀ ոստիկանապետի նախկին առաջին տեղակալ, Սյունիքի նորանշանակ մարզպետ Հունան Պողոսյանը վստահեցնում է, որ Շանթ Հարությունյանի և նրա ընտանիքի հասցեին սպառնալիքներ չի հնչեցրել: Այսօր՝ հոկտեմբերի 16-ին կառավարության արտահերթ նիստից հետո տեղի ունեցած ճեպազրույցում լրագրողի դիտարկմանը, թե ավելի վաղ ասել է, որ մշտապես ծառայել է օրենքին և նոր Հայաստանի կողմնակից է, սակայն 2013 թվականին հենց Նիկոլ Փաշինյանն է հայտարարել, որ սպառնալիքներ է հնչեցրել Շանթ Հարությունյանի, նրա որդու և ընտանիքի հասցեին, Հունան Պողոսյանը պատասխանել է. «Դրա վերաբերյալ նույնիսկ նյութեր են նախապատրաստվել և ամեն ինչ հերքվել է: Իսկ Դուք պնդում եք, որ դա իրողություն է: Բացարձակ նման բան չի եղել: Եղել է նման հայտարարություն, քննություն է կատարվել, և նույն Շանթ Հարությունյանը հրաժարվել է այդ բոլորից, ասել է՝ նման բան չի եղել, և քրեական գործի հարուցումը մերժվել է»:
