Պատկերացնում եմ` խցանումների մեջ որքան եք հիշել մեզ. Տիգրան Ավինյան․ ՏԵՍԱՆՅՈՒԹ

Առաջիկա շաբաթներին կսկսեն իրականացվել Սարյան փողոցի երթևեկության փոփոխությունները, որոնցով նախատեսվում է կազմակերպել միակողմանի երթևեկություն՝ Մաշտոցի պողոտայից դեպի Բաղրամյան պողոտա ուղղությամբ։ Այս մասին Երևանի քաղաքապետարանի գործակարգավարական նիստին հայտարարեց աշխատակազմի տրանսպորտի վարչության պետ Վազգեն Հարությունյանը։

Տիգրան Ավինյանը, անդրադառնալով ավտոբուսային առանձնացված գծեր ունենալու համար կատարված երթևեկության փոփոխություններին, ընդգծեց։

«Սիրելի՛ երևանցիներ, պատկերացնում եմ՝ որքան նյարդայնացնող են այս բոլոր փոփոխությունները, և որքան եք դուք մեզ հիշել, երբ կանգնած եք եղել այդ խցանումների մեջ, բայց ուզում եմ խոսել այն մասին, թե առհասարակ ինչու են արվում այս փոփոխությունները և ինչու են արվում հիմա։ Առհասարակ, ամառային այս սեզոնը շատ հարմար է երթևեկության փոփոխություններ կատարելու տեսանկյունից, քանի որ բեռնվածությունը շատ մեծ չէ։ Այս փոփոխությունների հիմնական նպատակն այն է, որ հանրային տրանսպորտով երթևեկող քաղաքացիներին տանք արտոնություն, և այո՛, երբ հնարավորություն ենք ստեղծում ավտոբուսների համար միջին արագությունն ավելացնելու, առանձնացված գիծ ունենալու, ավտոմատ կերպով որոշակի խնդիրներ են ստեղծվում ավտոմեքենաների համար։ Բայց ունենք որոշակի գործիքակազմ, որով կարողանում ենք երթևեկությունը փոքր-փոքր, դժվարություններով փոխելով՝ մեքենաների հոսքը անդադար, առանց կանգնելու դարձնել»,- ընդգծեց քաղաքապետը։

Մանրամասները՝ տեսանյութում։

Արփի Հակոբյան