29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
ՀՀ ԱԳՆ-ն ցավակցել է ԱՄՆ Տեխաս նահանգում ավերիչ ջրհեղեղի զոհերի ընտանիքներին
Քաղաքականություն
06.07.2025 | 12:46
ՀՀ արտաքին գործերի նախարարությունը խորին ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և բոլոր տուժածներին։
Նախարարության ուղերձը հրապարակել է X-ի իր միկրոբլոգում։
«Խորապես վշտացած ենք Տեխասում տեղի ունեցած ավերիչ ջրհեղեղի լուրից, որը բազմաթիվ կյանքեր է խլել։ Մեր խորին ցավակցությունն ենք հայտնում զոհերի ընտանիքներին և բոլոր տուժածներին: Մենք հույս ենք հայտնում, որ նրանք, ովքեր համարվում են անհայտ կորած, բարեհաջող կապաքինվեն»,- ասվում է ԱԳՆ ուղերձում։
Տեխասի իշխանությունների տվյալներով՝ ուժեղ անձրևների հետևանքով նահանգի կենտրոնական մասում տեղի ունեցած ջրհեղեղի պատճառով զոհվել է առնվազն 51 մարդ, այդ թվում՝ 15 երեխա։
Փրկարարները շարունակում են որոնել 27 աղջիկ երեխայի, որոնք կորել են Camp Mystic ամառային ճամբարում Հանթում։ Ճամբարը տեղակայված է Գուադալուպե գետի ափին, որը դուրս է եկել ափերից անձրևներից հետո։ Չորս երեխաների ընտանիքները հաստատել են CNN-ին, որ նրանք մահացել են։
ԱՄՆ նախագահ Դոնալդ Թրամփի վարչակազմը խոստացել է բավարարել Տեխասի նահանգապետ Գրեգ Էբբոթի՝ արտակարգ դրություն հայտարարելու խնդրանքը՝ նահանգին օգնություն ցուցաբերելու նպատակով։
