29.04.2026 | 14:27
Ձերբակալություններ՝ ընտրակաշառք ստանալու և բարեգործության արգելքը խախտելու դեպքով
Տպավորություն եմ ստանում՝ Ձեր ջեբն են գցել թիմակիցները․ Հասմիկ Հակոբյանը՝ Արծվիկ Մինասյանին․ ՏԵՍԱՆՅՈՒԹ
Քաղաքականություն
04.07.2025 | 17:40
«Անընդհատ ասում եք, որ տեղյակ չեք եղել։ Ձեր ասածից տպավորություն եմ ստանում՝ էս գործը Ձեր թիմակիցները գցել են Ձեր ջեբը, Ձեր կողքի մարդիկ, տեղակալները, վարչության պետերը, և Դուք այն ժամանակ կամ հիմա կաշկանդված եք այդ մասին խոսելու»,- այս մասին ԱԺ արտահերթ նիստում «Հայաստան» խմբակցության քարտուղար Արծվիկ Մինասյանին հարցրեց «Քաղաքացիական պայմանագիր» խմբակցության պատգամավոր Հասմիկ Հակոբյանը։
Արծվիկ Մինասյանն էլ արձագանքեց, որ պատգամավորն իրեն չի ճանաչում.
«Որևէ մեկն ինձ ո՛չ ապօրինի գործելու ցուցում կարող էր տալ, ո՛չ էլ իմ ջեբը գցելու գործողություն իրականացնել։ Ես նորից եմ ասում՝ որպես նախարար լավ գիտեմ իմ լիազորությունները, շատ լավ պատկերացրել եմ, շատ լավ գործել եմ՝ իմ գնահատմամբ առաջնորդվելով պետության և հանրային շահով։ Հիմա դուք ինչ-որ մութ սենյակում սև կատու եք ման գալիս»,- նշեց Մինասյանը։
Հիշեցնենք, որ ԱԺ-ն արտահերթ նիստում քննարկում է ՀՀ գլխավոր դատախազ Աննա Վարդապետյանի միջնորդագրերը, որոնք վերաբերում են «Հայաստան» խմբակցության ղեկավար Սեյրան Օհանյանին և խմբակցության քարտուղար Արծվիկ Մինասյանին անձեռնամխելիությունից զրկելուն ու քրեական հետապնդում սկսելուն, ինչպես նաև՝ պատգամավոր Արթուր Սարգսյանի նկատմամբ քրեական հետապնդում հարուցելուն և ազատությունից զրկելուն։
Մանրամասները՝ տեսանյութում։
Մանյա Պողոսյան
