Քաղաքականություն
04.07.2025 | 18:30«Միտք» վերլուծական-հետազոտական կենտրոնի ղեկավար, քաղաքագետ Լիլիթ Դալլաքյանը Factor TV-ի հետ զրույցում կարծիք է հայտնում, որ գործարար Սամվել Կարապետյանի, հոգևորականների կալանավորումները, ԱԺ ընդդիմադիր «Հայաստան» խմբակցության պատգամավորներ Սեյրան Օհանյանի, Արծվիկ Մինասյանի, Արթուր Սարգսյանի հետ կապված գլխավոր դատախազի միջնորդությունները նախընտրական շրջանում քաղաքական գործընթացի մաս են։ Քաղաքագետն ընդգծում է՝ դա նորմալ պրակտիկա է աշխարհի բոլոր երկրներում՝ լռեցնել հավանական ընդդիմախոսներին ու մրցակիցներին։
Անդրադառնալով Բագրատ արքեպիսկոպոս Գալստանյանի մասնակցությամբ ձայնագրության հրապարակմանը՝ Լիլիթ Դալլաքյանն ասում է. «Բոլորը գաղտնալսված են, տեսաձայնագրված են, ընտրությունների մոտենալու հետ ապացույցները, կարծում եմ, իշխանությունները կհրապարակեն»։
Հրապարակումներին, թե ձայնագրությունը մոնտաժված է և ենթատեքստից կտրված է ներկայացել, Դալլաքյանը շեշտում է՝ եթե նույնիսկ խոսքը թմրամոլների մասին է, «գյուլլելը» չի տեղավորվում քրիստոնեական ուսմունքի մեջ։
Քաղաքագետն անդրադարձել է նաև Ռուսաստան-Ադրբեջան հարաբերություններում լարվածությանը, Թուրքիայում հակահայկական նախաձեռնություններին, Իրան-Իսրայել հավանական նոր սրացմանը, այլ թեմաների։
Հարցազրույցն ամբողջությամբ՝ տեսանյութում։
Թամարա Հակոբյան
