07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Էրդողանը ժամանել է Արցախ` Ստեփանակերտում մասնակցելու ՏՀԿ գագաթնաժողովին
Քաղաքականություն
04.07.2025 | 12:40
Թուրքիայի նախագահ Ռեջեփ Թայիփ Էրդողանը հուլիսի 4-ին ժամանել է գրավյալ Արցախ՝ Ստեփանակերտում մասնակցելու Տնտեսական համագործակցության կազմակերպության (ՏՀԿ) 17-րդ գագաթնաժողովին։ Ադրբեջանական լրատվամիջոցների հաղորդմամբ՝ Վարանդայի միջազգային օդանավակայանում պատվո պահակախումբ է կանգնեցվել բարձրաստիճան հյուրի պատվին։
Էրդողանին դիմավորել են Ադրբեջանի գիտության և կրթության նախարար Էմին Ամրուլլաևը և այլ պաշտոնատար անձինք։
Արցախ ժամանած թուրքական պատվիրակության կազմում են արտգործնախարար Հաքան Ֆիդանը, ընտանիքի և սոցիալական ծառայությունների հարցերի նախարար Մահինուր Օզդեմիր Գյոքթաշը, տրանսպորտի և ենթակառուցվածքների նախարար Աբդուլքադիր Ուրալօղլուն, առևտրի նախարար Օմեր Բոլաթը, այլ պաշտոնյաներ։
Ավելի վաղ թուրքական կողմը հայտնել էր Էրդողանի այցի օրակարգի մանրամասները։
Հավելենք՝ Իրանի նախագահ Մասուդ Փեզեշքիանը նույնպես ժամանել է Արցախ։
Թարգմանությունը՝ Էմմա Չոբանյանի
