29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
Լավրովը Ռուբիոյին շնորհավորել է ԱՄՆ Անկախության օրվա կապակցությամբ
Քաղաքականություն
04.07.2025 | 12:27
Ռուսաստանի ԱԳ նախարար Սերգեյ Լավրովը շնորհավորական հեռագիր է հղել ԱՄՆ պետքարտուղար Մարկո Ռուբիոյին՝ ԱՄՆ Անկախության օրվա կապակցությամբ, որում հույս է հայտնել, որ երկրների միջև հարաբերությունները կդառնան կայուն և կանխատեսելի, գրում է ՏԱՍՍ-ը։
«Հուսով եմ, որ համատեղ ջանքերի շնորհիվ մեր երկրների միջև հարաբերությունները կամրապնդվեն ստեղծագործական վեկտորի հիման վրա, ձեռք կբերեն դրական կայունություն և կանխատեսելիություն՝ հիմնված փոխադարձ հարգանքի և միմյանց ազգային շահերի հաշվի առնելու վրա, որոնք նախորոշված են պատմությամբ, աշխարհագրությամբ և գետնի վրա իրականություններով»,- ասվում է հեռագրում։
«Խնդրում եմ փոխանցել իմ անկեղծ շնորհավորանքները ամերիկյան ժողովրդին ԱՄՆ ազգային տոնի՝ Անկախության օրվա կապակցությամբ և հայտնել Ռուսաստանի Դաշնության աջակցությունը նրանց միասնության և ավանդական ամերիկյան երազանքի իրականացման ձգտումներում»,- հավելել է Լավրովը։
Նա նաև մաղթել է ամերիկյան ժողովրդին հետևել «խաղաղության և ընդհանուր բարգավաճման ճանապարհին, որպեսզի ԱՄՆ Անկախության հռչակագրի՝ յուրաքանչյուր մարդու կյանքի, ազատության և երջանկության ձգտման իրավունքի վերաբերյալ ուխտերը մնան անսասան»։
Հիշեցնենք, որ ԱՄՆ պետքարտուղար Մարկո Ռուբիոն էլ 2022 թվականից ի վեր առաջին անգամ շնորհավորել էր ռուս ժողովրդին Ռուսաստանի օրվա կապակցությամբ։
Թարգմանությունը՝ Էմմա Չոբանյանի
