06.10.2026 | 11:24
Դուրս եմ հանելու, հետո՝ դուրս շպրտեմ, հետո՝ խմբակային ցույց տանք, թե որը որից հետո ա․ Ռուբինյան․ ՏԵՍԱՆՅՈՒԹ
ՌԴ-ն Ուկրաինայի վրա 550 ԱԹՍ և հրթիռ է արձակել․ Կիևում 23 մարդ է տուժել
Քաղաքականություն
04.07.2025 | 13:00
ՌԴ զորքերը հուլիսի լույս 4-ի գիշերը անօդաչու թռչող սարքերով հարձակվել են Կիևի վրա, տուժել է 23 մարդ։ Այս մասին հայտնել է Կիևի քաղաքապետ Վիտալի Կլիչկոն, փոխանցում է Current time-ը։
Նրա խոսքով՝ քաղաքի Գոլոսեևսկի շրջանում վնասվել է բժշկական հաստատություն։ Դնեպրովսկի շրջանում անօդաչու թռչող սարքի բեկորներն ընկել են բնակելի շենքերի բակ և ուսումնական հաստատության տարածք, Սոլոմենսկի շրջանում՝ ոչ բնակելի շենքերի և ավտոտնակի կոոպերատիվի տարածքի վրա, այրվել են պահեստներ։
Սվյատոշինսկի շրջանում հրդեհ է բռնկվել պահեստների վրա անօդաչու թռչող սարքի բեկորների ընկնելու պատճառով։ Անօդաչուի բեկորներ են ընկել նաև 16 հարկանի բնակելի շենքի բակում, մեքենաները բռնկվել են։ Բացի այդ, հրդեհ է բռնկվել մասնավոր հատվածում։ Իսկ ահա Շևչենկովսկի շրջանում բեկորները վնասել են չբնակեցված ութ հարկանի բնակելի շենքը, հրդեհ է բռնկվել շենքի առաջին հարկում։
Ուկրաինայի ռազմաօդային ուժերի հրամանատարությունը հայտարարել է, որ ռուսական բանակն արձակել է 539 անօդաչու թռչող սարք և 11 հրթիռ (մեկ «Կինժալ» աերոբալիստիկ հրթիռ, վեց «Իսկանդեր M/KN-23» բալիստիկ հրթիռ և չորս «Իսկանդեր-Կ» թևավոր հրթիռ): Հակաօդային պաշտպանության ուժերը խոցել են 470 անօդաչու թռչող սարք և երկու հրթիռ։ Ուկրաինացի զինվորականները նշում են, որ հարվածի հիմնական ուղղությունը եղել է Կիևը։
Թարգմանությունը՝ Էմմա Չոբանյանի
