31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
Ինչ են առգրավել քննիչները «Տաշիր գրուպ»-ից. փաստաբանները մանրամասներ են ներկայացնում․ ՏԵՍԱՆՅՈՒԹ
Հասարակություն
02.07.2025 | 17:22
«Տաշիր գրուպ»-ի հայաստանյան գլխավոր գրասենյակում այսօր իրականացված քննչական գործողությունների արդյունքում իրավապահներն առգրավել են համակարգիչներ և փաստաթղթեր։ Այս մասին լրագրողների հետ զրույցում ասաց փաստաբան Արմեն Ֆերոյանը։
Քննչական կոմիտեն հայտնել է, որ քրեական վարույթը, որի շրջանակում իրավապահները գործողություններ են իրականացրել, վերաբերում է առանձնապես խոշոր չափերով փողերի լվացման և առանձնապես խոշոր չափերով հարկերը, տուրքերը կամ այլ վճարներ չվճարելուն։
«Նման բան գոյություն չունի։ Մենք կարծում ենք, որ սա ապօրինությունների շղթա է, որը կանխատեսելի էր, և կարծում եմ՝ դեռ կշարունակվի։ Տեղի է ունեցել խուզարկություն, մեզ տրամադրվել է դատարանի որոշումը, որը բողոքարկելու ենք»,- պնդում է Ֆերոյանը։
Փաստաբան Ռուբեն Հակոբյանն էլ, ի պատասխան մեր հարցադրման, ասաց, որ քրեական վարույթները նախաձեռնվել են 2023, 2024 և 2025 թվականներին։ Քննչական կոմիտեն հրաժարվում է մանրամասներ հայտնել։
Մանրամասները՝ տեսանյութում։
Արփի Հակոբյան
