29.04.2026 | 14:10
Արմեն Մելիքբեկյանն ու Լևան Կոբիաշվիլին հանդիպել են ՖԻՖԱ-ի նախագահին
«Տաշիր գրուպ»-ում խուզարկությունն ավարտվեց․ քննիչները հեռացան փաթեթներով․ ՏԵՍԱՆՅՈՒԹ
Հասարակություն
02.07.2025 | 17:00
Գործարար Սամվել Կարապետյանին պատկանող «Տաշիր գրուպ» ընկերությունում այսօր վաղ առավոտից սկսված խուզարկությունն ավարտվեց, քննիչները հեռացան սև փաթեթներով։ Ի՞նչ են հայտնաբերել և ի՞նչ են առգրավել խուզարկության արդյունքում, Factor TV-ի այս հարցերին չպատասխանեցին։
«Դիմեք լրատվական բաժին»,- հորդորեցին քննիչները։
Նշենք, որ Քննչական կոմիտեն հայտնել է, որ գործողություններն իրականացվում են Կոմիտեում հարուցված քրեական վարույթի շրջանակում։
«Քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում առանձնապես խոշոր չափերով փողերի լվացման և առանձնապես խոշոր չափերով հարկերը, տուրքերը կամ այլ վճարներ չվճարելու հատկանիշներով նախաձեռնված քրեական վարույթի նախաքննության ընթացքում «Տաշիր գրուպի» գլխավոր գրասենյակում իրականացվում են անհետաձգելի քննչական գործողություններ»,- հայտնել են Քննչական կոմիտեից։
Փաստաբաններն ապօրինություն են որակել քննիչների գործողությունները՝ հավելելով, որ առգրավել են համակարգիչներ ու փաստաթղթեր։ Ըստ փաստաբանների՝ մի քանի վարույթներ կան, որոնք հարուցվել են 2023, 2024 և 2025 թվականներին։ Քննչական կոմիտեն հրաժարվում է մանրամասներ հայտնել։
Մանրամասները՝ տեսանյութում։
Արփի Հակոբյան
