05.12.2025 | 17:52
Փաշինյանն ու Մերցը դեկտեմբերի 9-ին բանակցություններ կանցկացնեն Բեռլինում
Պետեբուրգում ադրբեջանցի գործարար է ձերբակալվել խարդախության կասկածանքով․ ՏԵՍԱՆՅՈՒԹ
Քաղաքականություն
02.07.2025 | 16:24
Սանկտ Պետերբուրգում ձերբակալվել է ծնունդով Ադրբեջանից գործարար՝ շինարարության մեջ բազմամիլիոնանոց խարդախության կասկածանքով։ Ոստիկանությունը կարծում է, որ ընդհանուր վնասը գերազանցում է 46 միլիոն ռուբլին, գրում է Կոմերսանտը։
Ինչպես հաղորդում է Ռուսաստանի Դաշնության Ներքին գործերի նախարարության տարածաշրջանային վարչության մամուլի ծառայությունը, շինարարական ընկերության 32-ամյա գլխավոր տնօրենը ձերբակալվել է։
Ըստ հաղորդագրության՝ բնակարանաշինության և վարձակալության մեջ ներդրումներ ներգրավելու պատրվակով նա «մոլորեցրել է գործընկերներին և տիրացել նրանց միջոցներին»։ տուժող է ճանաչվել Սանկտ Պետերբուրգի երեք բնակիչ։
Շինարարական ընկերության գործադիր տնօրենը ձերբակալվել է Պարգոլովո բնակավայրի մասնավոր տանը: Խուզարկության ընթացքում ոստիկանությունը առգրավել է անշարժ գույքի հետ կապված փաստաթղթեր, բջջային հեռախոս, ինչպես նաև՝ կանխիկ գումար: Հարուցվել է քրեական գործ՝ խարդախության հոդվածով:
Հիշեցնենք, որ նախօրեին էլ Եկատերինբուրգում ձերբակալվել, ապա ազատ էր արձակվել ադրբեջանական սփյուռքի ղեկավարը։ Ռուսական աղբյուրները նշում են, որ գործարարն է Մարկ Ալեքսանդրովիչ Ամուրովը։
Թարգմանությունը՝ Էմմա Չոբանյանի
