07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ուկրաինայիում ԱՄՆ գործերի ժամանակավոր հավատարմատարը կանչվել է ԱԳՆ
Քաղաքականություն
02.07.2025 | 15:47
Այսօր Ուկրաինայի արտաքին գործերի նախարար Անդրեյ Սիբիհայի հանձնարարականով երկրում ԱՄՆ գործերի ժամանակավոր հավատարմատար Ջոն Գինկելը հրավիրվել է ԱԳՆ։ Այս մասին հաղորդում է Ուկրաինայի արտաքին գործերի նախարարությունը, որին վկայակոչում է BBC-ի ռուսական ծառայությունը։
Ուկրաինայի արտաքին գործերի փոխնախարար Մարիանա Բեցան ընդգծել է, որ «Ուկրաինայի պաշտպանական կարողություններին աջակցելու հարցում ցանկացած ուշացում կամ դանդաղում միայն կխրախուսի ագրեսորին շարունակել պատերազմն ու ահաբեկչությունը՝ խաղաղություն փնտրելու փոխարեն»։
Ավելի վաղ ԱՄՆ իշխանությունները հայտարարել էին Ուկրաինային որոշ զինատեսակների մատակարարման դադարեցման մասին, քանի որ մտավախություն ունեն՝ Պենտագոնի սեփական պաշարները չափազանց շատ են կրճատվել։
Արևմտյան լրագրողների տվյալներով՝ Կիևին որոշ զենիթային հրթիռների և այլ բարձր ճշգրտության զինամթերքի մատակարարումը նույնպես ժամանակավորապես կդադարեցվի։
Թարգմանությունը՝ Էմմա Չոբանյանի
