06.11.2026 | 17:43
«Սուրմալու» և «Փեթակ» առևտրի կենտրոններում հայտնաբերվել են կեղծված պիտանիության ժամկետով «Կինդեր» քաղցրավենիքներ
Միքայել սրբազանի վերաբերյալ գործընթացը սկսել է այն օրը, երբ Փաշինյանը թիրախավորել է նրան. պաշտպան․ ՏԵՍԱՆՅՈՒԹ
Հասարակություն
30.06.2025 | 11:46
«Ակնհայտ ապօրինի և անհիմն մեղադրանք է, ընդհանրապես հանցագործության հետ կապ չունի։ Ընդ որում՝ սա ոչ միայն մեր դիրքորոշում է, այլ եղել է նաև Դատախազության, քննչական մարմնի դիրքորոշում մինչև այն պահը, երբ վարչապետը սկսեց թիրախավորել Միքայել Սրբազանին»,- այս մասին այսօր լրագրողների հետ զրույցում ասաց Միքայել արքեպիսկոպոս Աջապահյանի փաստաբան Երեմ Սարգսյանը։
Պաշտանը նշեց, որ 2024 թվականի փետրվարին Gala TV-ին տված հարցազրույցից ավելի, քան 1 տարի անց Դատախազությունը որոշել է ուսումնասիրել դրանում հնչեցված մտքերը։
Հունիսի 4-ին իրենք այս գործընթացը սկսել են։ Դատախազությունն իր նախաձեռնությամբ հրապարակումն ուղարկել է Ոստիկանություն, Ոստիկանությունն, իբր թե, հաղորդում է պատրաստել, ուղարկել քննչական, Քննչականը վարույթը նախաձեռնել է։ Որ հետ ենք գնում՝ պարզելու համար, թե հունիսի 4-ը ինչ հետաքրքրություն է ներկայացնում, տեսնում ենք, որ հունիսի 3-ին, 4-ին Ֆեյսբուքի իր էջում ուղիղ թիրախավորում է Միքայել Սրբազանին»,- ասաց Սարգսյանը՝ նշելով, որ իրավապահները, «կարծես թե վատ սովորություն են ձեռք բերել»․ տեսնում են, թե ինչ է ցանկանում Փաշինյանը և փորձում իրականություն դարձնել։
Մանրամասները՝ տեսանյութում։
Արաքս Մամուլյան
