15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
«Հարգելի՛ քաղաքացիներ, անվճար տրանսպորտային երթևեկության ժամանակը ավարտվում է»․ Տիգրան Ավինյան․ ՏԵՍԱՆՅՈՒԹ
Հասարակություն
30.06.2025 | 11:38
«Ունենք քաղաքացիներ, ովքեր մտածում են՝ միգուցե եկել է անվճար տրանսպորտային երթևեկության ժամանակը։ Հարգելի՛ քաղաքացիներ, այդ ժամանակն ավարտվում է»,- հայտարարեց Երևանի քաղաքապետ Տիգրան Ավինյանը՝ անդրադառնալով համապատասխան օրենսդրական կարգավորումներին։
«Հատուկ ուզում եմ նախազգուշացնել, որ հետո չասեն՝ բա ինչու այսպես եղավ։ Օրենսդրական փաթեթ է քննարկվելու վաղը Ազգային ժողովում, որով արդեն նախատեսվում է հստակ տուգանք տրանսպորտային միջոցից օգտվելիս չվճարելու, չվավերականացնելու համար»,- ասել է Տիգրան Ավինյանը։ Նրա խոսքով՝ նախ տեղեկատվական արշավ կիրականացնեն, որից հետո ինչ-որ փուլից սկսելու են տուգանել չվճարողներին։
«Տպավորված եմ․ քաղաքացիների գերակռիշ մեծամասնությունը պատասխանատու ձևով իրականացնում է վճարումները։ Մնում է երկրորդ հարցը՝ երբ են տեղադրվելու երկրորդ վալիդատորները»,- հավելեց Ավինյանը՝ դիմելով փոխքաղաքապետ Սուրեն Գրիգորյանին։
Փոխքաղաքապետը տեղեկացրեց, որ ավտոբուսներում երկրորդ վալիդատորների ամբողջական տեղադրումը մինչև հուլիսի վերջ կավարտվի։
Մանրամասները՝ տեսանյութում։
Անի Թամրազյան
