01.10.2026 | 17:17
Նախկին ԱԳՆ շենքը կվերածվի բազմաֆունկցիոնալ համալիրի․ նախատեսվում է ավելի քան 150 մլն ԱՄՆ դոլարի ներդրում․ ԼՈՒՍԱՆԿԱՐՆԵՐ
Ինչ են խոսել Միքայել սրբազանն ու պաշտպանները Մայր Աթոռում՝ փակ դռների ետևում․ ՏԵՍԱՆՅՈՒԹ
Հասարակություն
30.06.2025 | 11:18
«Միքայել արքեպիսկոպոս Աջապահյանը քահանաների ժողովի էր մասնակցում, երբ ԱԱԾ աշխատակիցները ներկայացան են Մայր Աթոռ և ցանկանում էին ձերբակալել Արբազանին»,- այս մասին այսօր լրագրողների հետ հանդիպման ժամանակ ասաց Աջապահյանի փաստաբաններից Արա Զոհրաբյանը, որը ԱԱԾ աշխատակիցների գործողությունների օրը՝ հունիսի 27-ին, Մայր Աթոռ էր մեկնել։
Ըստ Զոհրաբյանի՝ ԱԱԾ աշխատակիցներն իրեն որոշում են ներկայացրել , որից պարզ է դարձել, որ նրանք եկել են Աջապահյանին ձերբակակելու վերաբերյալ քննիչի կայացրած որոշումը կատարելու։ Փաստաբանի խոսքով՝ սրբազանը քահանաների ժողովի համակարգողն էր, ինքը ԱԱԾ աշխատակիցներին առաջարկել է քահանաների ներկայությամբ չձերբակալել, երբ ժողովը վերջանա, կներկայանա քննչական մարմին։ ԱԱԾ աշխատակիցները չեն համաձայնել։ Դրանից հետո Աջապահյանը փաստաբանների հետ առանձնազրույցն է ունեցել։
«Կար երկու տարբերակ․ ինքնակամ գնալ կամ հարկադրաբար տանեին։ Երրորդ տարբերակ չկար։ Միքայել Սրբազանն ասաց՝ ես ուզում եմ գնալ»,- ասաց Զոհրաբյանը՝ նշելով, որ նրա այս որոշմանն ընդդիմացել են քահանաները։
Մանրամասները՝ տեսանյութում
Արաքս Մամուլյան
