13.01.2026 | 14:27
Աշխատանքից ազատել եմ ՊՆ-ում աշխատող այն ծնողներին, որոնք ունեն այլ երկրի քաղաքացի զավակներ. Պապիկյան․ ՏԵՍԱՆՅՈՒԹ
Մետրոյի Աջափնյակ կայարանի նախագիծն ընդունված է, հաջորդիվ կքննարկենք ֆինանսավորման հարցերը․ Ավինյան․ ՏԵՍԱՆՅՈՒԹ
Տնտեսություն
30.06.2025 | 11:14
«Մետրոյի Աջափնյակ կայարանի նախագծային աշխատանքներն ամբողջապես ընդունված են, բոլոր փորձաքննություներն անցած են»,- քաղաքապետարանի գործակարգավարական նիստում հայտարարեց Երևանի քաղաքապետ Տիգրան Ավինյանը՝ հավելելով, որ հաջորդիվ կքննարկվեն ֆինանսավորման հարցերը։
Մեր հիմնական նպատակը ամենասեղմ ժամանակամիջոցում իրականացնել ծրագիրը, այսինքն շինարարությունը սկսել ինչքան հնարավոր է շուտ և հետևապես մեր հիմնական նպատակը պետք է լինեն սեղմ ժամկետները, որովհետև նախագիծը ունենք, կարող ենք գնալ այս ճանապարհով, այն ճանապարհով, այս գործընկերոջ հետ, այն գործընկերոջ հետ, որ գործընկերոջ հետ ֆինանսական առումով ամենակարճը կտևեն պրոցեսները, այդ ճանապարհով պետք է գնանք»,- ասաց Ավինյանը։
Հունիսի 11-ին Ազգային ժողովում 2024-ի պետբյուջեի կատարողականի նախնական քննարկումների ժամանակ Տիգրան Ավինյանը, անդրադառնալով մետրոյի «Աջափնյակ» կայարանի նախագծին՝ նշել էր, որ այն նորանկախ Հայաստանի պատմության ամենաբարդ նախագծերից է։
Հունիսի 9-ին էլ իր ֆեյսբուքյան էջում հայտնել էր, որ Երևանի մետրոպոլիտենի 11-րդ՝ «Աջափնյակ» կայարանի նախագծային փաթեթը ստացել է պետական համալիր փորձաքննության դրական եզրակացությունը:
Մանրամասները՝ տեսանյութում։
Անի Թամրազյան
