05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
ԱԱԾ-ն կձերբակալի՞ Աջապահյանին․ հատուկ ջոկատայիններ են ժամանել Մայր Աթոռ․ ՈւՂԻՂ
Քաղաքականություն
27.06.2025 | 14:12
Մայր Աթոռում իրավիճակը շարունակում է լարված մնալ։ Իրավապահները փորձում են բերման ենթարկել Շիրակի թեմի առաջնորդ Միքայել արքեպիսկոպոս Աջապահյանին։ «Երբեք որևիցե տեղ չեմ թաքնվել և հիմա էլ չեմ պատրաստվում թաքնվել։ Եկել են իմ հետևից՝ ես կգնամ: Ես սպառնալիք չեմ այս երկրի համար, գլխավոր սպառնալիքը կառավարությունում է նստած , հայտարարեց Աջապահյանը Մայր Աթոռի բակում։
Գարեգին Բ-ն հավաքվածներին մոտենալով՝ հայտնեց, որ Միքայել արքեպիսկոպոս Աջապահյանը կմեկնի իրավապահների հետ՝ փաստաբանի ուղեկցությամբ, իսկ մյուս հոգևորականները կհավաքվեն Վեհարանում։
«Մենք կհավաքվենք ու եզրահանգումը կանենք մեր հետագա գործողությունների։ Մենք բոլորս ամեն ջանք ենք ներդնելու, որ արդարությունը վերականգնվի»,- հայտարարեց կաթողիկոսը։
Դրանից հետո Աջապահյանը կաթողիկոսի ուղեկցությամբ դուրս եկավ դարպասներից, բայց մուտքի մոտ հրմշտոց սկսվեց, հավաքված քաղաքացիներն ու հոգևորականները թույլ չտվեցին, որ ԱԱԾ դիմակավորված անձինք մոտենան Աջապահյանին։ Նա այլ հոգևորականների ուղղեկցությամբ մտավ վեհարան, որից հետո ներս գնաց նաև կաթողիկոսը։
Հիշեցնենք, որ Շիրակի թեմի առաջնորդ Միքայել Աջապահյանի՝ լրատվամիջոցներին տված հարցազրույցի առթիվ քրեական վարույթ է նախաձեռնվել.
«Վարույթը նախաձեռնվել է Քրեական օրենսգրքի 422-րդ հոդվածի 2-րդ մասով է, այսինքն՝ իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը»,- տեղեկացրել էին Գլխավոր դատախազությունից։
